18.01.2026 | 17:17
Bild. Գերմանացի զինվորականները վաղաժամ և «առանց բացատրությունների» լքել են Գրենլանդիան
Տեղի ունեցավ ոստիկանության զորքերի մարտական հերթապահության հերթափոխը
04.09.2021 | 15:10
Հերթական անգամ տեղի ունեցավ ոստիկանության զորքերի մարտական հերթապահության հերթափոխը. տեղեկացնում են ՀՀ ոստիկանությունից:
Ոստիկանության զորքերի զորամասերից մեկի Տավուշի սահմանային դիրքեր մեկնող ծառայողներին բարի և անփորձանք ծառայություն մաղթեց ոստիկանության զորքերի հրամանատար Հայկ Բաբայանը։ Նա նշեց, որ սահմանապահ ոստիկաններն իրականացնում են հայրենանվեր ծառայություն՝ պահելով պետական սահմանը և պահպանելով հասարակական կարգը երկրի ներսում։
Տեր Վրթանես քահանա Բաղումյանը հնչեցրեց Տերունական աղոթքը, ինչից հետո ոստիկանները երդվեցին անձնվիրաբար պահել պետական սահմանի մարտական դիրքը։
Դիրքեր ճանապարհելու միջոցառումն ավարտվեց հանդիսավոր երթով։
Հաջորդ օրը նույն դիրքերից վերադարձան ոստիկանության զորքերի մեկ այլ զորամասի ծառայողները։ Նրանց դիմավորեցին հրամանատարությունը, ծառայակիցներն ու հարազատները։ Ոստիկանության զորքերի հրամանատար Հայկ Բաբայանը շնորհակալություն հայտնեց ոստիկաններին՝ անձնվեր ծառայության համար և մարտական հերթապահության մեջ աչքի ընկած մի խումբ ծառայողների հանձնեց պարգևներ։
Միջոցառումն ավարտվեց սահմանապահ ոստիկանների հանդիսավոր երթով։
