18.12.2025 | 14:50
Զելենսկին ժամանել է Բրյուսել՝ մասնակցելու ԵՄ գագաթնաժողովին. որոշվելու է ռուսական սառեցված ակտիվների ճակատագիրը
Եթե թվում է, որ խաղաղության պայմանագիր կնքվի՝ Ադրբեջանը նույնը չի շարունակի, այդպես չէ. Սեյրան Օհանյան. ՏԵՍԱՆՅՈՒԹ
Քաղաքականություն
30.08.2021 | 18:02
Անդրադառնալով ստեղծված իրավիճակին՝ մասնավորապես կապված Ադրբեջանի կողմից Գորիս – Կապան ճանապարհը փակելու հանգամանքի հետ, «Հայաստան» խմբակցության ղեկավար Սեյրան Օհանյանը factor.am-ի հետ զրույցում նշեց. «Ստեղծված իրավիճակը հետևանք է այն բանի, որ Ադրբեջանը հետևողականորեն շարունակում է ճնշումներ գործադրել ՀՀ իշխանությունների վրա: Հաջողություններ ունենալով 44-օրյա պատերազմում՝ Ադրբեջանն անընդհատ սադրանքների է դիմում»:
«Եթե թվում է, որ խաղաղության պայմանագիր կնքվի՝ Ադրբեջանը նույնը չի շարունակի, այդպես չէ»,- ընդգծեց Սեյրան Օհանյանը՝ հավելելով, որ Հայաստանի իշխանությունների կողմից գործողությունները ադեկվատ չեն:
«Նոյեմբերի 9-ի հայտարարությունից հետո պետք է միանգամից ձեռնամուխ լինեին այն կարևոր կետերի իրականացմանը, որոնք հետագայում կարող էին հիմք հանդիսանալ սահմանների ճշտման՝ սահմանազատում, սահմանագծում իրականացնելու համար: Այնտեղ, որտեղ հակառակորդը պաշտպանական գծեր է ձևավորում, դժվար է հետ շպրտել և ասել, որ սահմանազատման արդյուքում այս տարածքները մերն են:
Նույնիսկ եթե հաշվի առնենք, որ Սյունիքում՝ Կապանի հատվածում ռազմավարական ճանապարհ է հանձնվել հակառակորդին, պետք է միանգամից մյուս հատվածներում մեր սահմանը և պաշտպանությունը փակեին և կահավորեին գոնե նվազագույն սարքավորումներով: Կապանից հետո լարվածություն եղավ Գորիսի, Սև լճի, Իշխանասարի, Գեղարքունիքի հատվածներում, սա վկայում է այն մասին, որ իշխանության որոշումները ադեկվատ չեն»,-նշեց Օհանյանը:
Մանրամասները՝ տեսանյութում:
