24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Այն, ինչ կատարվում է Գորիս-Կապան ճանապարհին, նոր չէ․Հայաստանին այլընտրանքային ճանապարհ է պետք. Թաթուլ Հակոբյան․ ՏԵՍԱՆՅՈՒԹ
Քաղաքականություն
27.08.2021 | 12:40
Ադրբեջանցիների կողմից Կապան-Գորիս ճանապարհի Կարմրաքար-Շուռնուխ հատվածի փակելը նոր իրավիճակ չէ Հայաստանի համար: «Գորիս-Կապան փակված ճանապարհ. ի՞նչ զարգացումներ սպասել լարվող տարածաշրջանում» առցանց քննարկման ժամանակ այս կարծիքը հայտնեց «Հայկական ուսումնասիրությունների Անի կենտրոն»-ի համակարգող Թաթուլ Հակոբյանը:
Նրա խոսքով՝ 1990-1993 թվականներն այդ ճանապարհը գրեթե չի օգտագործվել, այդ ճանապարհի վրա տասնյակ մարդիկ են անհետացել, սպանվել, վիրավորվել, որովհետև այդ ճանապարհը խորհրդային ժամանակներում անցնում էր Խորհրդային Ադրբեջանի տարածքով։
Հակոբյանն ասաց, որ այդ թվականներին Երևանից Կապան հասնելու համար ճանապարհը մեկ օր էր տևում, մարդիկ անցնում էին Տաթևի քանդուքարափ ներքին ճանապարհով։
«1993 թվականի օգոստոս-սեպտեմբերին, երբ հայկական ուժերը դուրս եկան արդեն Կուբաթլուի շրջան, ադրբեջանցիները հեռացան և այդ ճանապարհը սկսեց բնականոն գործել։ Այսինքն, սա նոր իրավիճակ չէ։ Նորությունն այն է, որ ՀՀ իշխանությունները չգիտակցեցին, որ պետք է ժամանակը ճիշտ օգտագործել և ներքին ճանապարհը հնարավորինս շուտ և արագ շահագործել, որովհետև այս իրավիճակներին մենք միշտ հանդիպելու ենք։ Ավելին, ՀՀ-ին պետք է այլընտրանքային ճանապարհ, ով ինչ ուզում է ասել, պետք է սթափ դատել»,- նշեց Հակոբյանը:
Մանրամասները՝ տեսանյութում:
