16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ներողություն եմ խնդրում մեր ժողովրդից ԱԺ-ում ստեղծված իրավիճակի համար․ Սեյրան Օհանյան․ ՏԵՍԱՆՅՈՒԹ
Քաղաքականություն
26.08.2021 | 11:31
«Ներողություն եմ խնդրում մեր ժողովրդից ԱԺ-ում նախորդ օրերին ստեղծված իրավիճակի համար»,- անդրադառնալով Աժ-ում նախորդ օրերին տեղի ունեցած միջադեպերին ու ծեծկռտուքին՝ հայտարարեց «Հայաստան» խմբակցության ղեկավար Սեյրան Օհանյանը և իր խմբակցության անունից ևս ներողություն խնդրեց կատարվածի համար:
«Այստեղ պատճառներն ի սկզբանե խորքային են՝ նախ՝ պատերազմից հետո ստեղծված իրավիճակն է ու պարտվողական քայլերի շարունակականությունն է, նաև այս վերջին տարիների և նախընտրական ժամանակահատվածում ատելության, մուրճ ճոճելու, վախեցնելու քայլերը և ղեկավարության ոչ վայել արտահայտությունները, ԱԺ-ն յուրահատուկ ռազմական ռեժիմի վերածելն ու կողմնակալ մոտեցումները, նաև «գլուխ ջարդելու» և «արա»-ով խոսելով՝ բախում հրահրելը, տեսարանի վերածելը, անվտանգության աշխատակիցների շատ դանդաղ վարքագիծը, որն ամբողջական քրեաիրավական գնահատականի պետք է արժանանա»,- նշեց ընդդիմադիր խմբակցության ղեկավարը:
Նա նշեց, որ պատգամավորներից ոչ մեկն առանձնահատուկ դիրքի ու ավելորդ գովասանքի կարիք չունի, և անկախ ամեն ինչից՝ մարդկային արժանապատվությունն է անձի ամենակարևոր սեփականությունը: Պատգամավորը պահանջեց, որ կատարված գործընթացը, ստեղծված իրավիճակը քննարկման առարկա դառնա ԱԺ խորհրդի արտահերթ նիստում:
Մանրամասները՝ տեսանյութում:
