Քաղաքականություն
25.08.2021 | 10:41ԱԺ այսօրվա նիստի մեկնարկին կրկին միջադեպ գրանցվեց. այս անգամ՝ «շշամարտ»:
Հայկ Սարգսյանը ելույթ էր ունենում ԱԺ ամբիոնից և հակափաստարկներ բերում ընդդիմության քննադատություններին: Նա մասնավորապես նշեց. «Ոչ մի նախկին ՊՆ ղեկավար, ում օրոք մարդիկ փողով կամ զանգով մարդ է ազատվել բանակից, իրավունք չունի խոսելու, նրանք հայրենիքի դավաճաններ են, դա բոլոր ժամանակների մասին է»:
«Հայաստան» դաշինքի ղեկավար Սեյրան Օհանյանն այդ խոսքից հետո շիշ շպրտեց Հայկ Սարգսյանի ուղղությամբ:
«Քե՞զ եմ ասում, արա՛»,- վրդովվեց Սարգսյանն ու շիշը հետ շպրտեց:
Նրա ուղղությամբ կրկին մեկ շիշ նետվեց ընդդիմադիրների կողմից։ Սարգսյանը ամբիոնի տակ գտնվող ևս մեկ շիշ հանեց ու ետ շպրտեց։ Այս ամենին զուգահեռ ԱԺ նախագահ Ալեն Սիմոնյանը ներս էր հրավիրում անվտանգության աշխատակիցներին։ Ընդմիջում հայտարարվեց և ուղիղ եթերն ընդհատվեց։
Մանրամասները՝ տեսանյութում:
