18.01.2026 | 15:52
Հայաստանի ծանրամարտի տղամարդկանց ընտրանին այս տարվա առաջին ուսումնամարզական հավաքն անցկացնում է Գյումրիում
Թալիբները Փանջշերում դիմադրության առաջնորդին 4 ժամ են տվել հանձնվելու համար, որից հետո զինյալներ են ուղարկել նահանգի գրավման համար
Քաղաքականություն
22.08.2021 | 21:46
«Թալիբան» արմատական շարժումը հայտարարել է աֆղանական Փանջշեր հյուսիսային նահանգի գրավման համար հարյուրավոր մարտիկներ ուղարկելու մասին: Այս մասին ասված է հաղորդագրության մեջ, որը հրապարակվել է շարժման Twitter-ի էջում, տեղեկացնում է ՏԱՍՍ-ը։
«Իսլամական էմիրության» հարյուրավոր մարտիկներ ուղևորվում են Փանջշեր նահանգ, որպեսզի վերահսկողություն սահմանեն դրա նկատմամբ, քանի որ տեղական իշխանությունները հրաժարվել են տարածաշրջանի նկատմամբ վերահսկողությունը հանձնել խաղաղ ճանապարհով»,- նշված է հայտարարության մեջ:
Ավելի վաղ «Թալիբանի» գրոհայինները Փանջշերում դիմադրության առաջնորդ Ահմեդ Մասուդին չորս ժամ են տվել հանձնվելու համար:
Թալիբները հայտարարել են, որ չորս ժամ անց, եթե չկատարվեն իրենց պայմանները, նրանք կսկսեն Փանջշերի գրավումը, որտեղ գտնվում են Մասուդը և Աֆղանստանի առաջին փոխնախագահ Ամրուլա Սալեհը:
