16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Եվրամիությունը հումանիտար միջանցք չի բացի աֆղանցիների համար
Քաղաքականություն
22.08.2021 | 20:41
Եվրամիությունը հումանիտար միջանցք չի բացի աֆղանցիների համար, Vesti.ru-ի փոխանցմամբ՝ հայտարարել է Սլովենիայի վարչապետ Յանեզ Յանշան, որը հուլիսի 1-ից նախագահում է ԵՄ-ում:
Քաղաքական գործիչն ընդգծել է, որ չի կարելի թույլ տալ «2015 թվականի ռազմավարական սխալի» կրկնությունը:
«Մենք կօգնենք միայն այն անհատներին, որոնք օգնել են ՆԱՏՕ-ի գործողությունների ընթացքում, ինչպես նաև այն երկրներին, որոնք պաշտպանում են ԵՄ-ի արտաքին սահմանները»,- Twitter-ում գրել է Յանշան:
Այնտեղ էլ Սլովենիայի վարչապետը հրապարակել է աֆղան զինված կանանց լուսանկարները, որոնք պայքարում են «Թալիբան» շարժման գրոհայինների դեմ երկրի որոշ մասերում: Նա աֆղանցի տղամարդկանց առաջարկել է նրանցից օրինակ վերցնել և նույնը անել։
«ԵՄ- ն կամ Սլովենիան չպետք է օգնեն և վճարեն մոլորակի վրա բոլոր նրանց, ովքեր փախչում են իրենց հայրենիքի համար պայքարելու փոխարեն»,- ընդգծել է Յանշան:
Ավելի վաղ ԵՄ-ն հայտարարել էր, որ չի պատրաստվում թալիբներին օրինական իշխանություն ճանաչել Աֆղանստանում: Բրյուսելը նաև մտադիր է սառեցնել աֆղանցիներին տրամադրվող տնտեսական օգնության փաթեթը, որը գնահատվում է 1 մլրդ եվրո, բայց կշարունակի հումանիտար օգնություն ցուցաբերել:
Մինչդեռ Սլովենիայի ԱԳՆ-ն ավելի վաղ հայտնել էր, որ երկիրը պատրաստ է 5 փախստականի ընդունել Աֆղանստանից։
