19.05.2026 | 10:42
ԱԱ-2026․ Բրազիլի հավաքականի հայտացուցակն ու Նեյմարի վերադարձը
Եթե նրանք թույլ չտան մեր քաղաքացիներին լքել երկիրը, մենք արագ և հզոր պատասխան կտանք․ Սպիտակ տուն
Քաղաքականություն
22.08.2021 | 19:16
ԱՄՆ-ն պատրաստ է արագ և հզոր պատասխան տալ, եթե «Թալիբան» արմատական շարժումը խոչընդոտի Աֆղանստանում մնացած ամերիկացի քաղաքացիների մուտքը Քաբուլի օդանավակայան, որտեղից տարհանում է իրականացվում: «ՌԻԱ Նովոստի»-ի փոխանցմամբ՝ այս մասին հայտարարել է ԱՄՆ նախագահի ազգային անվտանգության հարցերով խորհրդական Ջեյք Սալիվանը:
«Մենք նրանց տեղեկացրել ենք, որ եթե նրանք թույլ չտան մեր քաղաքացիներին լքել երկիրը, ինչպես նաև փորձեն խափանել կամ ինչ-որ կերպ միջամտել մեր գործողություններին և տարհանմանը, մենք արագ և հզոր պատասխան կտանք», – ասել է Սալիվանը NBC News հեռուստաալիքին տված հարցազրույցում:
Հիշեցնենք, որ Աֆղանստանից ԱՄՆ-ի զորքերի դուրսբերումից հետո «Թալիբան» շարժումը հարձակում էր սկսել կառավարական ուժերի վրա և մինչև օգոստոսի 15-ը մտել Քաբուլ՝ հայտարարելով իշխանության զավթման մասին: Աֆղանստանի նախագահ Աշրաֆ Գանին հեռացել է երկրից: Արևմտյան պետությունները տարհանում են իրենց քաղաքացիներին, այդ թվում ՝ դիվանագետներին։
