19.11.2024 | 12:45
ՌԴ-ն ուկրաինական Սումիի մարզում ԱԹՍ-ով հանրակացարանի է հարվածել․ զոհեր և վիրավորներ կան
3 զինվոր դիրքում սպանվել է, ՊՆ ղեկավարը թող բացատրություն տա՝ ինչ է տեղի ունեցել․ Ժաննա Ալեքսանյան․ ՏԵՍԱՆՅՈւԹ
Հասարակություն
20.08.2021 | 20:32
Զինված ուժերում ոչ մարտական կորուստների, անթույլատրելի բարքերի մասին զրուցել ենք «Լրագրողներ հանուն մարդու իրավունքների» ՀԿ նախագահ Ժաննա Ալեքսանյանի հետ։
— Օգոստոսի լույս 19-ի գիշերը զորամասի հենակետում հայտնաբերվել է երեք զինծառայողի դի։ Սպանության հոդվածով քրեական գործ է հարուցվել։ Այլ ի՞նչ տեղեկություններ ունեք դեպքի մասին։
— Սա արտառոց դեպք է, արտառոց։ Երեք զինվոր դիրքում սպանվել է, ու ինչ անտարբերություն ես տեսնում, էլի։ Երեք հաղորդագրություն են տալիս, հասկանում եք։ Դա պետք է աղմուկ լինի։
Արձանագրենք, որ դեպքերը գնալով շատանում են և ավելանում են։ Պաշտպանության նախարարը նախ թող մի հատ բացատրություն տա հանրությանը, թե ինչ է տեղի ունեցել։ Մենք ինչպե՞ս կարող ենք անտարբեր մնալ, տներ են քանդվում, մարդկանց կյանքը փոխվում է ամբողջությամբ։
— Դուք ասացիք՝ պաշտպանության նախարարը ելույթ ունենա, պարզաբանումներ ներկայացնի։ Մյուս կողմից՝ կան դեռ քննությամբ չհաստատված մանրամասներ։ Որքանո՞վ է արդարացված նման վաղաժամ տեղեկությունների հրապարակումը։
— Ո՞նց։ Եթե բանակում զոհ է եղել խաղաղ պայմաններում, նախարարը պետք է այդ ընտանիքներին հրապարակայնորեն ցավակցի, ասի, որ ներողություն են խնդրում, որովհետև փակ համակարգում պատասխանատվությունը դրված է երկրի ղեկավարության, պաշտպանության հրամանատարի, այսինքն՝ նախարարի վրա։
Նա պարտավոր է իմանալ, նրան հիմա պետք է զեկուցեին, ասեին՝ ինչպես է դեպքը տեղի ունեցել, և նա դուրս գար և խոսեր։ Նա պարտավոր է իմանալ՝ դիրքում ինչ է կատարվել, նախնական պատմությունը։ Նա պետք է իմանա և նա պետք է հայտնի, որ այսպիսի դեպք է եղել կամ թող ասի՝ պարզում ենք։ Բայց թող խոսի, թող փարատի էն կասկածները, որ կան։
— Ինչպե՞ս այս խնդիրներից դուրս գալ, թողնել անցյալում։
— Պետք է կարգուկանոն հաստատեն, մարդավարի ․․․ այդ մթնոլորտը հենց իրենք պետք է փոխեն։ Հրամանատարական կազմը ի՞նչ է անում, որ այդ զորամասում մթնոլորտը փոխվի։
Առաջին հերթին անպատժելիության մթնոլորտը ․․․ պետք է բացահայտվեն այդ հանցագործությունները։ Եթե չի բացահայտվում, դա պահպանվում է, և հիմա ավելի վատ է վիճակը, քան նախկինում։
Հարցազրույցն ամբողջությամբ՝ տեսանյութում։
Գարիկ Հարությունյան
