19.05.2026 | 16:04
Սամվել Կարապետյանի անձնագրային գործում որպես աշխատանքի վայր նշված է եղել ФСБ-ի տեղեկատվական կենտրոնը․ The Insider
Կապիտոլիումի մոտ տղամարդը սպառնում է պայթեցնել ավտոմեքենան․ ոստիկանությունը բանակցություններ է վարում
Քաղաքականություն
19.08.2021 | 22:36
Վաշինգտոնում Կապիտոլիումի շրջանում մի քանի շենք են տարհանել, քանի որ Կոնգրեսի գրադարանի մոտ կայանված սև պիկափով տղամարդը ոստիկանությանը սպառնացել է, որ ռումբ ունի և կարող է պայթեցնել այն, գրում է Associated Press-ը։
Նշվում է, որ ոստիկանություն տեղեկություններ է ստացվել Կոնգրեսի գրադարանի մոտակայքում պիկափի մեջ հնարավոր պայթուցիկի մասին։
Իրավապահ մարմինների աշխատակիցները հայտնել են, որ դեպքի վայրում աշխատում են հետաքննիչներ, որոնք փորձում են որոշել, թե արդյոք մեքենայի մեջ տեղադրված սարքավորումը գործող պայթուցիկ է։
ԶԼՄ-ները նաև հայտնում են, որ բեռնատարում կա մի տղամարդ։ Նա պնդում է, որ մեքենայի մեջ պայթուցիկ կա։ Չարագործն ուղիղ միացում է իրականացրել Facebook սոցցանցում, սակայն ավելի ուշ նրա օգտահաշիվն արգելափակվել է։
Վաշինգտոնի ոստիկանության ներկայացուցիչը հայտնել է, որ հարակից շենքերը տարհանվել են, իսկ Կոնգրեսի աշխատակիցներն այժմ արձակուրդում են։
Կասկածյալի հետ բանակցությունները շարունակվում են։ Նրա ինքնությունն արդեն հայտնի է, սակայն նրա դրդապատճառներն անհայտ են։
Տաթև Ֆռանգյան
