19.05.2026 | 18:51
Բելառուսը մտադիր է մասնակցել Արցախի տարածքներում նախագծերին
Ռուսաստանի կողմից արտաքին զենքի մատակարարումների իրականացումը նրա ինքնիշխան իրավունքն է․ Զախարովան՝ Ալիևի հայտարարության մասին
Քաղաքականություն
19.08.2021 | 19:11
Ռուսաստանի կողմից արտաքին զենքի մատակարարումների իրականացումը նրա ինքնիշխան իրավունքն է: Այս մասին հինգշաբթի կայացած ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Ադրբեջանի նախագահ Իլհամ Ալիևի հայտարարությունները:
«Արտաքին զենքի մատակարարումը Ռուսաստանի ինքնիշխան իրավունքն է։ Մենք շատ ենք կարդում և լսում այս մասին, բայց ես կցանկանայի ձեր ուշադրությունը հրավիրել այն փաստի վրա, որ մենք համապատասխան փոխազդեցություն ենք հաստատել ինչպես Հայաստանի, այնպես էլ Ադրբեջանի հետ», – ասել է Զախարովան:
Գերատեսչության պաշտոնական ներկայացուցիչը հավելել է, որ ռուսական կողմը հաշվի է առնում տարածաշրջանում ուժերի հավասարակշռության պահպանման անհրաժեշտությունը:
Հիշեցնենք, որ ավելի վաղ Ադրբեջանի նախագահը CNN Turk- ին տված հարցազրույցում Հայաստանին մեղադրել էր խաղաղության պայմանագիր ստորագրել չցանկանալու և ռևանշիստական տրամադրությունների մեջ: Նա միաժամանակ «անտրամաբանական» է անվանել Հայաստանին զենքի մատակարարման մասին ռուսական կողմի հայտարարությունները: Ալիեւը սպառնացել էր նաև «կրկնել պատերազմի ժամանակ Հայաստանին տված դասը»:
Տաթև Ֆռանգյան
