15.12.2025 | 14:12
Թմրանյութ օգտագործած վարորդներին կբացահայտեն տեխնիկական սարքերի միջոցով. նոր նախագիծ
Քաբուլի օդանավակայանում ամերիկացի զինվորական է հրազենային վիրավորում ստացել
Քաղաքականություն
16.08.2021 | 20:49
Քաբուլի օդանավակայանում ամերիկացի զինվորական է հրազենային վիրավորում ստացել։ Այս մասին այսօր հայտնում է CNN-ը՝ հղում կատարելով իր աղբյուրներին։
Միջադեպի մանրամասները չեն հաղորդվում։
Այսօր ավելի վաղ The Wall Street Journal -ը հայտնել էր, որ ԱՄՆ-ի զինծառայողները գնդակահարել են երկու զինված տղամարդու, ովքեր մոտեցել են նրանց Աֆղանստանի մայրաքաղաքի օդանավակայանում, որտեղ ընթանում է մարդկանց տարհանումը։
Թալիբներն օգոստոսի 15-ին Քաբուլ են մտել առանց կռվի և մի քանի ժամվա ընթացքում լիակատար վերահսկողություն հաստատել Աֆղանստանի մայրաքաղաքի վրա: Աֆղանստանի նախագահ Աշրաֆ Հանին հայտարարել է, որ հրաժարական է տվել արնահեղությունը կանխելու համար և լքել է երկիրը: Արեւմտյան երկրները տարհանում են իրենց քաղաքացիներին եւ դեսպանատան աշխատակիցներին:
Տաթև Ֆռանգյան
