Քաղաքականություն
16.08.2021 | 20:24
Կարմիր խաչի միջազգային կոմիտեն (ԿԽՄԿ) Աֆղանստանում բուժօգություն է ցուցաբերում հազարավոր վիրավորների և աշխատում է այդ երկրի Կարմիր մահիկի ընկերության հետ՝ լուծելու զոհվածների մարմիններն ընտանիքներին վերադարձնելու հարցը: Այս մասին երկուշաբթի Twitter- ի իր էջում գրել է ԿԽՄԿ նախագահ Փիթեր Մաուրերը:
«Մենք շարունակում ենք անհապաղ օգնություն տրամադրել երկրում. բուժում ենք հազարավոր վիրավորների և Աֆղանստանի Կարմիր մահիկի ընկերության հետ համատեղ աշխատում ենք զոհվածների մարմիններն ընտանիքներին վերադարձնելու ուղղությամբ», – ասել է նա:
Հիշեցնենք, որ թալիբներն օգոստոսի 15-ին առանց որևէ կրակոցի մտել են Քաբուլ և մի քանի ժամվա ընթացքում լիակատար վերահսկողություն հաստատել Աֆղանստանի մայրաքաղաքում:
Աֆղանստանի նախագահ Աշրաֆ Հանին հայտարարել է, որ հրաժարական է տվել արյունահեղությունը կանխելու համար և լքել է երկիրը: Արեւմտյան երկրները տարհանում են իրենց քաղաքացիներին եւ դեսպանատան աշխատակիցներին:
Տաթև Ֆռանգյան
