16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
ՀԱՊԿ-ից հայտնել են, որ քայլեր կձեռնարկեն, եթե տաջիկ-աֆղանական սահմանին իրավիճակը սրվի
Քաղաքականություն
16.08.2021 | 21:10
Հավաքական անվտանգության պայմանագրի կազմակերպությունը (ՀԱՊԿ) հետևում է Աֆղանստանում իրավիճակի զարգացմանը և Տաջիկստանում իրավիճակի սրման և անվտանգության սպառնալիքի դեպքում կձեռնարկի անհրաժեշտ բոլոր հավաքական միջոցները: Այս մասին երկուշաբթի օրը լրագրողներին հայտնել է ՀԱՊԿ գլխավոր քարտուղար Ստանիսլավ Զասը, գրում է ՏԱՍՍ-ը:
«Միևնույն ժամանակ, կազմակերպության գործունեության գերակայությունը դեռևս տրվում է քաղաքական և դիվանագիտական միջոցներին: Իրավիճակի սրման և Տաջիկստանի Հանրապետության անվտանգությանը սպառնալու դեպքում անհրաժեշտ բոլոր հավաքական միջոցները, որոնք նախատեսված են կանոնադրության փաստաթղթերով, կձեռնարկվեն դաշնակցին օգնելու համար», – ասել է նա:
Երկուշաբթի օրը ՀԱՊԿ գլխավոր քարտուղարը հեռախոսազրույցներ է ունեցել Տաջիկստանի պաշտպանության նախարար Շերալի Միրզոյի և երկրի Անվտանգության խորհրդի քարտուղար Նասրուլլո Մահմուդզոդայի հետ:
«Ներկայումս Տաջիկստանի անվտանգության ուժերը լիովին վերահսկում են իրավիճակը սահմանին, և ՀԱՊԿ մեխանիզմների օգտագործման կարիք չկա», – ընդգծել է Զասը:
«Աֆղանստանի հիմնական տարածքի անցումը «Թալիբանի» վերահսկողության ներքո էապես ազդում է Հավաքական անվտանգության պայմանագրի կազմակերպության (ՀԱՊԿ) Կենտրոնական Ասիայի տարածաշրջանի վրա և կազմակերպության խորն անհանգստություն է առաջացնում», -հավելել է Զասը:
Տաթև Ֆռանգյան
