17.07.2026 | 15:03
«Ջերմուկ»-ի ստուգման ժամանակ որևէ խախտում չի հայտնաբերվել. ՍԱՏՄ ղեկավար․ ՏԵՍԱՆՅՈՒԹ
ՌԴ-ն հետաքննություն է իրականացնում Ադրբեջանի կողմից ԼՂ-ում հրադադարի պահպանման ռեժիմի խախտման ուղղությամբ․ ՌԴ ՊՆ
Քաղաքականություն
13.08.2021 | 11:48
ՌԴ ՊՆ-ն հայտնել է Լեռնային Ղարաբաղում հրադադարի պահպանման ռեժիմի խախտման մեկ դեպքի մասին։
«Օգոստոսի 11-ին՝ 7։29-ին ու 7։58-ին, Ադրբեջանի զինված ուժերը երկու հարված են հասցրել՝ կիրառելով հարվածային կվադրոկոպտեր Լեռնային Ղարաբաղի զինված ձևավորումների դիրքերի ուղղությամբ։ Տուժածներ չկան։ ՌԴ խաղաղապահ զորախմբի հրամանատարության կողմից քայլեր են ձեռնարկվել իրավիճակի հետագա սրումը թույլ չտալու ուղղությամբ։ Կատարվում է հետաքննություն»,- ասված է ՌԴ ՊՆ տարածած հաղորդագրության մեջ։
Նշվում է, որ ռուս խաղաղապահներն ապահովում են քաղաքացիների անվտանգ տեղափոխումը։
Շարունակվում է նաև ՌԴ խաղաղապահ առաքելության ինժեներա-ականազերծման խմբերի կողմից օբյեկտների ու տեղանքի ականազերծումը։ Մեկ օրում չպայթած զինամթերքից ու պայթյունավտանգ իրերից է մաքրվել Մարտունիի շրջանում շուրջ 2 հա տարածք։
