07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
Երկաթուղային ցանցը, ենթադրաբար, Մեղրիով է անցնելու. Գնել Սանոսյան․ ՏԵՍԱՆՅՈւԹ
Քաղաքականություն
12.08.2021 | 12:48
Ապաշրջափակումը վերաբերվում է երկու երկրներին։ Երկու պետությունները համաչափ կերպով պետք է ապաշրջափակեն տրանսպորտային ուղիները, և սկսվի հաղորդակցություն, որից կշահենք ոչ միայն մենք, այլ նաև տարածաշրջանի մեր հարևան երկրները։ Այս մասին լրագրողների հետ զրույցում նշեց Տարածքային կառավարման և ենթակառուցվածքների նորանշանակ նախարար Գնել Սանոսյանը։
Նախարարն ընդգծեց, որ եթե երկաթուղու մասին է խոսքը, չեն կարող առանց ենթակառուցվածքների կառուցման ունենալ ապաշրջափակում, որովհետև հատվածներ կան, որտեղ երկաթուղու նախկին ցանցը չկա, և պետք է նորը կառուցվի։
«Ենթադրաբար նույն ուղիով. բոլորիս հայտնի է՝ երկաթուղին անցնում էր Նախիջևանով, Մեղրիով, և եթե որոշում կայացվի, որ երկաթուղին պետք է շահագործել, ուրեմն այդ ուղղությունը պետք է վերականգնել և աշխատել։ Իջևանի ուղղությամբ սովետական տարիներին երկաթուղի եղել է։ Ենթադրաբար, երբ տարածաշրջանում խաղաղություն լինի և կարողանանք ամբողջովին ապաշրջափակել, կարծում եմ՝ նաև տնտեսապես ձեռնտու կլինի այդ ուղղություններով աշխատեցնելը»,- նշեց Սանոսյանը։
Մանրամասները՝ տեսանյութում:
