29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Ալեքսեյ Նավալնիի համախոհներ Լեոնիդ Վոլկովի և Իվան Ժդանովի դեմ նոր քրգործ է հարուցվել
Քաղաքականություն
10.08.2021 | 22:49
Ռուսաստանի Քննչական կոմիտեն նոր քրեական գործ է հարուցել Ալեքսեյ Նավալնիի համախոհներ Լեոնիդ Վոլկովի և Իվան Ժդանովի դեմ, հայտնում է BBC-ի ռուսական գործակալությունը՝ հղում անելով գերատեսչության պաշտոնական կայքէջին։
Նրանք կասկածյալներ են դարձել Քրեական օրենսգրքի 282.3 հոդվածի 1 -ին մասի համաձայն (ֆինանսական ծառայությունների հավաքում և մատուցում, որոնք նախատեսված են ծայրահեղական կազմակերպության ֆինանսավորման համար):
Քննչական կոմիտեն հիշեցրել է Մոսկվայի քաղաքային դատարանի կողմից «Կոռուպցիայի դեմ պայքարի հիմնադրամի», «Քաղաքացիների իրավունքների պաշտպանության հիմնադրամի» ու «Նավալնիի շտաբի» գործունեության արգելման ու ծայրահեղական ճանաչման մասին։
Առաջին ատյանի վերաքննիչ դատարանը օգոստոսի 4-ին մերժել է այդ կազմակերպությունների ներկայացուցիչների բողոքներն ու Մոսկվայի քաղաքային դատարանի որոշումն օրինական է ճանաչել։
Իսկ օգոստոսի 5 -ին Նավալնիի թիմը հայտարարել է դրամահավաքի վերսկսման մասին: Փոխանցումների համար նրանք ստեղծել նոր իրավաբանական անձ, որը կապված չի եղել նախորդների հետ:
