17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Դատարանը որոշեց Արմեն Գևորգյանին բերման ենթարկել․ ՏԵՍԱՆՅՈւԹ
Հասարակություն
10.08.2021 | 14:46
Երևան քաղաքի ընդհանուր իրավասության դատարանում շարունակվում է ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի դեմ հարուցված քրեական գործի դատավարությունը:
Նշենք, որ Արմեն Գևրգյանի փաստաբան Էրիկ Ալեքսանյանը հանդես եկավ դատական նիստը հետաձգելու միջնորդությամբ, քանի որ նախկին փոխվարչապետը մասնակցում է ԱԺ նիստին և հնարավորություն չունի մասնակցել դատական նիստին: Փաստաբանը նշեց, որ «Հայաստան» խմբակցության պատգամավոր Արմեն Գևորգյանը ԱԺ տարածաշրջանային և եվրասիական ինտեգրման հարցերի մշտական հանձնաժողովի նախագահի թեկնածու է, ԱԺ-ում ելույթ է ունենալու և պատասխանելու է պատգամավորների հարցին։
Մեղադրող դատախազ Պետրոս Պետրոսյանը խնդրեց Արմեն Գևորգյանի բացակայությունը համարել անհարգելի։
Դատավոր Աննա Դանիբեկյանն ի գիտություն չի ընդունել պաշտպանական կողմի փաստարկները։ Նա նշեց, որ եթե հաջորդ նիստին Գևորգյանը չներկայանա, նրան բերման են ենթարկելու։ Այս կապակցությամբ դատական նիստը կրկին մեկ շաբաթով հետաձգվեց։
Մանրամասները՝ տեսանյութում:
