31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Այստեղ գոռալու տեղ չի. վեճ ԱԺ-ում․ ՏԵՍԱՆՅՈւԹ
Քաղաքականություն
10.08.2021 | 13:45
«Ներքին քաղաքականության անկայունությունը և ատելության մթնոլորտը, որը գեներացվում էր արտախորհրդարանական և նաև խորհրդարանական ընդդիմության կողմից, էապես նպաստել են ներդրումների անկմանը»,- այս մասին ԱԺ նիստում նշեց «Քաղաքացիական պայմանագիր» կուսակցության պատգամավոր Լուսինե Բադալյանը՝ անդրադառնալով «Հայաստան» դաշինքից ԱԺ տնտեսական հարցերի հանձնաժողովի նախագահի պաշտոնում առաջադրված թեկնածու, Սյունիքի նախկին մարզպետ Վահե Հակոբյանի դիտարկմանը ներդրումների բացակայության մասին:
Բադալյանի հարցը հունից հանեց «Հայաստան» դաշինքից Գեղամ Նազարյանին, նա տեղից վեր կենալով՝ բղավեց։ ԱԺ նախագահ Ալեն Սիմոնյանը նրան նկատողություն հայտարարեց։
«Հերիք է էլի իսկականից»,- բղավեց Նազարյանը և դուրս եկավ նիստերի դահլիճից:
«Այստեղ գոռալու տեղ չի»,- ասաց Ալեն Սիմոնյանը և խնդրեց Նազարյանին բացատրել, որ դահլիճում չի կարելի գոռալ։
Մանրամասները՝ տեսանյութում:
