16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Ես լքեցի ՀՀԿ-ն, քանի որ չէի ուզում զբաղվել քաղաքականությամբ. Վահե Հակոբյան․ ՏԵՍԱՆՅՈւԹ
Քաղաքականություն
10.08.2021 | 12:50
Ես լքեցի ՀՀԿ-ն, քանի որ չէի ուզում զբաղվել քաղաքականությամբ: Այս մասին ԱԺ-ում հայտարարեց «Հայաստան» դաշինքի կողմից ԱԺ տնտեսական հարցերի մշտական հանձնաժողովի նախագահի պաշտոնում առաջադրված պատգամավոր, Սյունիքի նախկին մարզպետ Վահե Հակոբյանը՝ պատգամավորների հետ հարցուպատասխանի ընթացքում մեկնաբանելով, թե ինչու է լքել ՀՀԿ-ի շարքերը։ Նշենք, որ Հակոբյանը ՀՀԿ շարքերը լքել է 2018-ին:
ԱԺ փոխնախագահ, ՔՊ անդամ Ռուբեն Ռուբինյանը հիշեցրեց, որ իշխանությունից զրկված ՀՀԿ-ի շարքերը այդ ժամանակահատվածում շատերն էին լքում։
«Ես այլևս չէի ուզում զբաղվել քաղաքականությամբ` այդ պահին։ Դուք ստիպեցիք, որ ես վերադառնամ քաղաքականություն, հարգելի՛ գործընկերներ»,-ասաց Հակոբյանը։
Իսկ թե ինչու չվերադարձավ ՀՀԿ, Վահե Հակոբյանը մեկնաբանեց նրանով, որ երբ որոշեց վերադառնալ քաղաքականություն, հստակ որոշում ուներ սեփական կուսակցությունը ստեղծելու։
«ՀՀԿ-ի լավ և վատ կողմերը, բացթողումները անալիզ անելով` մենք որոշեցինք ստեղծել այն կուսակցությունը, որով կկարողանայինք հանդես գալ Հայաստանի քաղաքական կյանքի մեջ»,-նշեց Հակոբյանը։
Մանրամասները՝ տեսանյութում:
