29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Մեր իշխանությունը հայտնի է նրանով, որ մշտապես բաց ենք եղել․ Ալեն Սիմոնյան․ ՏԵՍԱՆՅՈւԹ
Քաղաքականություն
09.08.2021 | 18:20
«Կարծում եմ՝ Արեգնազ Մանուկյանը կարող է իր խմբակցության գործընկերներից օրինակ վերցնել, որովհետև մենք ունենք այստեղ գործընկերներ, որոնք բավականին փաստարկված և սիրուն ելույթներ են ունենում, կարևոր հարցեր են բարձրացնում։ Պարտադիր չէ աչքի ընկնելու համար շեշտել էս ինչը սոված էր: Ալենը չէր սոված, սոված էին այն բանակի զինվորները, որոնց թիվը հազարների է հասնում»,- Ազգային ժողովում այսօր հնչած ելույթների վերաբերյալ դիտարկումներ անելով՝ նշեց ԱԺ նախագահ Ալեն Սիմոնյանը:
Անդրադառնալով «Հայաստան» խմբակցության պատգամավոր Գեղամ Մանուկյանի ելույթին՝ Սիմոնյանն ասաց. «Այդ տրամաբանության մեջ այն է, որ բենզինը գողացել են, ու ասել են՝ դա տղայական չի, մի՛ ասա, որ բենզինը գողացել են, տարան, դե լավ, դու գործ տվող չես: Այ տենց արեցիք, Արցախն այ տենց հանձնվեց, էն մասը, որ գրավել են, էդ տրամաբանության մեջ հանձնվեց»։
«Հայաստան» խմբակցության պատգամավոր Արամ Վարդևանյանի ելույթին անդրադառնալով էլ Ալեն Սիմոնյանն ասաց. «Վարդևանյանը, որ ասում է՝ «Մարտի 1-ին» հող չի հանձնվել, գիտե՞ք հողը երբ է հանձնվել, երբ զորքը Ղարաբաղից բերվում էր Երևան, որ մարդ գնդակահարեն, երբ որ Արցախը բանակցային պրոցեսից դուրս էին թողում։ Այդ ամեն ինչը մի օրվա մեջ չի արվում… Ու դրա համար ՀՀ քաղաքացիները քվեարկեցին մեր ուժի օգտին»։
«Մեր իշխանությունը հայտնի է նրանով, որ մշտապես բաց ենք եղել»,- ընդգծեց Ալեն Սիմոնյանը:
Մանրամասները՝ տեսանյութում:
