Ինչու Ադրբեջանին չսաստեցին և ինչու չի արժանանում համապատասխան գնահատականի․ Սեյրան Օհանյան․ ՏԵՍԱՆՅՈւԹ

«Ակնհայտ է, որ բավականին բարդ ռազմաքաղաքական իրավիճակ է ստեղծվել մեր տարածաշրջանում: Հայաստանի Հանրապետությունն Արցախի հետ մեկ այլ գործոն էր անվտանգության և տնտեսության զարգացման տեսանկյունից, մեկ այլ գործոն է ստեղծված աշխարհագրական իրադրության մեջ: Այս մասին ԱԺ-ում ասաց «Հայաստան» խմբակցության ղեկավար Սեյրան Օհանյանը՝ հավելելով, որ այս տեսանկյունից պետք է գնահատական տալ ԱԺ պաշտպանության և անվտանգության հարցերի աշխատանքին:

«Այս պատերազմի բացասական կողմերից մեկն այն մեծ խառնաշփոթն էր, որ ստեղծվել էր Հայաստանում։ Այդ քաոսը, օրինականության բացակայությունը, նաև մարտական գործողությունների դաշտից մեր զինծառայողների հետնահանջը, այս տեսանկյունից նաև այս հանձնաժողովը պետք է համապատասխան համագործակցություն իրականացներ»,- նշեց Օհանյանը։

« Այս օրերին նկատում եմ, որ ինքնաքննադատության որևիցե մի կետ չկա, մեղքի զգացումը բացակայում է որոշ մարդկանց մոտ, այս ամբիոնի մոտ պահվածքը խոսում է նաև այն մասին, որ քննարկումների մշակույթի բացակայություն գոյություն ունի»,- նշեց պատգամավորը:

«Արդյո՞ք փայլուն էր ձեր կատարած աշխատանքը, արդյո՞ք փայլուն էր, որ բանակցային ամբողջ ռեսուրսը մսխվեց…, արդյո՞ք փայլուն էր, որ մենք վատացրինք մեր հարաբերությունները ռազմավարական դաշնակից հետ: Իհարկե, փայլուն չէր, այս ամենից հետո կարող ենք միայն ասել, որ մեր ռազմավարական դիրքերը փայլուն կերպով տվեցինք ադրբեջանցիներին»,- անդրադառնալով իշխանության գործունեությանը՝ նշեց Օհանյանը՝ ընդգծելով, որ իշխանությունը պետք է պատասխանատվություն կրի ստեղծված իրավիճակի համար:

«Դուք անընդհատ կրկնում եք, որ Ադրբեջանն է մեղավոր, մենք էլ ենք ասում՝ ինչո՞ւ Ադրբեջանին չսաստեցինք, ինչո՞ւ Ադրբեջանը, որպես սադրանք իրականացնող պետություն, այսօր էլ միջազգային հարթակներում համապատասխան գնահատականի չի արժանանում»,- նշեց Օհանյանը:

Անդրադառնալով Զինված ուժերում իրականացվող փոփոխություններին՝ ՊՆ նախկին նախարարը կարծիք հայտնեց, որ դրանց արդյունքում խաթարվել են ՊՆ-ԳՇ փոխհարաբերությունները: Օհանյանը հավելեց, որ, իր դիտարկմամբ, հայրենասիրության մակարդակը իջեցվել է:

Մանրամասները՝ տեսանյութում: