16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Բանակը պետք է զբաղվի միայն իր մարտական խնդիրներով․ Անդրանիկ Քոչարյան․ ՏԵՍԱՆՅՈւԹ
Քաղաքականություն
09.08.2021 | 16:33
«Պատերազմից հետո մեր սահմաների պաշտպանության հարցում ինչպիսի՞ խնդիր է իրականացրել Ձեր ղեկավարած հանձնաժողովը, ի՞նչ խորհրդարանական վերահսկողություն է իրականացրել, որո՞նք են սխալները, ովքե՞ր պետք է պատասխանատվություն կրեն այդ ամբողջ գործընթացում։ Սրա մասին չեք խոսում, բայց բոլորին ընդհատում եք, և այնպիսի տպավորություն է, որ բոլորը մեղավոր են, միայն դուք եք ճիշտ»,- ԱԺ նիստում «Հայաստան» դաշինքի ղեկավար Սեյրան Օհանյանն այս հարցն ուղղեց Աժ պաշտպանության և անվտանգության հարցերի մշտական հանձնաժողովի նախագահի թեկնածու Անդրանիկ Քոչարյանին:
«Ի՞նչ գործառույթներ է իրականացրել պաշտպանության հանձնաժողովը՝ ամենակարևոր գործառույթը՝ թույլ չի տվել, որպեսզի ձեր ցանկությունները՝ բանակը բերել Բաղրամյան փողոց, իրականություն դառնան։ Դա ամենակարևոր գործառույթն է եղել, ու կանխվել է: Շատերն էին ուզում դուք էլ էիք ուզում, չի ստացվելու, բանակը պետք է զբաղվի միայն իր մարտական խնդիրներով»,- պատասխանեց Անդրանիկ Քոչարյանը:
Անդրադառնալով դիտարկմանը, որ ԱԺ պաշտպանության և անվտանգային հարցերի հանձնաժողովը կոնկրետ գործառույթ ունի խորհրդարանական լսումներ իրականացնել սահմաններում ծառացած խնդիրների վերաբերյալ և հարցին, թե քանի անգամ են լսումներ իրականացվել, Անդրանիկ Քոչարյանը նշեց. «Պարո՛ն Օհանյան, մենք իրար վաղուց ենք ճանաչում, երբ դուք Արցախում տեղակայված 366 վաշտի հրամատարն էիք։ Նաև հիշում եմ, որ այդ գունդը մասնակցել է «Կոլցո» օպերացիային»։
Սեյրան Օհանյանն արձագանքեց. «Չի մասնակցել, դա բացահայտ սուտ է»։
Անդրանիկ Քոչարյանը նշեց, որ գուցե սխալվում է և հավելեց. «Խորհրդարանական լսումներ կիրականացվեն, կոռուպցիայի դեմ պայքարին էլ կմասնակցենք, մենք դատապարտված ենք միասին գնալ այդ ճանապարհով»:
Մանրամասները՝ տեսանյութում:
