Քաղաքականություն
09.08.2021 | 15:16
Այսօր Ադրբեջանի զինված ուժերի սպա է զոհվել։ Ադրբեջանական լրատվամիջոցները, վկայակոչելով պաշտպանության նախարարությանը, հայտնում են, որ ադրբեջանական բանակի լեյտենանտը սպանվել է ԶՈւ-ի ուսումնամարզական զորավարժարանում հրաձգության ժամանակ։
«Երկուշաբթի առավոտյան ադրբեջանական բանակի ուսումնամարզական կենտրոնի զորավարժարանում հրաձգության վարժանքների ժամանակ դժբախտ դեպք է տեղի ունեցել՝ զոհվել է լեյտենանտ Իլգար Բաբաևը»,- ասվում է Ադրբեջանի ՊՆ հաղորդագրության մեջ։ Գերատեսչությունը նաև նշում է, որ միջադեպի պատճառները հետաքննվում են։ Այլ մանրամասներ չեն հաղորդվում։
Էմմա Չոբանյան
