16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ուզում եք ընտրեք, ուզում եք՝ ոչ, բայց կան բարոյական սկզբունքներ, որոնցից չի կարելի շեղվել․ Վարդանյան․ ՏԵՍԱՆՅՈւԹ
Քաղաքականություն
09.08.2021 | 13:42
Ազգային ժողովում քննարկվում է մշտական հանձնաժողովների նախագահների ընտրության հարցը: «Քաղաքացիական պայմանագիր» խմբակցությունը ԱԺ պետաիրավական հարցերի նախագահի պաշտոնում առաջադրել է Վլադիմիր Վարդանյանի թեկնածությունը:
Հակադարձելով իրեն ուղղված քննադատությունների՝ Վլադիմիր Վարդանյանը գործընկերներին հորդորեց ուսումնասիրել իր ողջ կենսագրությունն ու գիտական գործունեությունը, հայոց ցեղասպանության հետևանքների վերացմանն ուղղված իր ջանքերը, որոնք, նրա խոսքով, նախկինում միշտ չէ, որ գնահատվել են։
«Շարունակելու եմ նույն ձևով գնալ այն ճանապարհով, որն ընտրել եմ 14-15 տարեկանում: Չմոռանանք, որ հայոց ցեղասպանության գործընթացը շարունակվում է, և ես այդ ճակատում լինելու եմ առաջամարտիկը»,-ասաց պատգամավորը:
Ընդդիմադիր պատգամավորները Վարդանյանին մեղադրեցին նաև ռազմական դրության ժամանակահատվածում մարդու իրավունքների և հիմնարար ազատությունների խախտումներին գնահատական չտալու համար։ Ի պատասխան՝ Վլադիմիր Վարդանյանն ասաց, որ ինքն էլ ավելի կոշտ սահմանափակումներ կիրառելու կողմնակից է եղել․ «Կոշտագույն․․․ինձ համար անընդունելի էր պատերազմի ժամանակ տեսնել սեփական պետությանը պարտություն մաղթող «ֆեյքերի», իմ աչքով եմ տեսել։ Տեսել եմ այն չարախնդողներին, որոնք նոյեմբերի իննին ուրախ ֆռֆռում էին»։
«Լինելու եմ համագործակցային: Ուզում եք ընտրեք, ուզում եք՝ ոչ, բայց կան բարոյական սկզբունքներ, որոնցից չի կարելի շեղվել»,- նշեց Վարդանյանը:
Մանրամասները՝ տեսանյութում:
