15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
Բարևներ և շնորհակալություն կփոխանցեք Ձեզ հուշողին․ Վլադիմիր Վարդանյանը՝ Ագնեսա Խամոյանին․ ՏԵՍԱՆՅՈւԹ
Քաղաքականություն
09.08.2021 | 11:16
Խորհրդարանում քննարկվում է մշտական հանձնաժողովների նախագահների ընտրության հարցը: Պետական-իրավական հարցերի մշտական հանձնաժողովի նախագահի՝ «Քաղաքացիական պայմանագիր» խմբակցության թեկնածուն Վլադիմիր Վարդանյանն է, ով նախորդ գումարման խորհրդարանում ևս այդ պաշտոնն էր զբաղեցնում:
«Հայաստան» խմբակցության պատգամավոր Ագնեսա Խամոյանը Վլադիմիր Վարդանյանից հետաքրրքվեց` բարոյապես ինչպե՞ս էր իրեն զգում պատգամավորը, երբ ՍԴ նախկին նախագահ Գագիկ Հարությունյանի նկատմամբ հետապնդումներ էին իրականացվում կամ շրջափակվում էր ՍԴ-ն, կամ երբ հետապնդվում էր Հրայր Թովմասյանը, որը նշանակվելուց կարճ ժամանակ անց իրեն նշանակել էր աշխատակազմի ղեկավար:
Վարդանյանն ընդգծեց` շնորհակալ է այն աշխատանքի և փորձի համար, որ ստացել է Գագիկ Հարությունյանից: «Ինչ վերաբերում է բարոյական կողմին, դուք չէ, որ գնահատելու եք, ես միշտ եղել եմ սահմանադրական արդարադատության պաշտպան է մնալու եմ:
Մի կարևոր բան կա՝ ՍԴ աթոռին նստելով՝ անձը չի վերածվում դատավորի: Եթե դատավորը թույլ է տալիս երրորդ սորտի քաղաքական գործչին վայել արտահատություններ ու մոռանում է իր առաքելությունը, թե ինչի համար է երդում տվել, ապա ունենք իրավիճակ, երբ առկա է դատավորի աթոռ, բայց չկա դատավոր»,- նշեց Վարդանյանը:
«Բարևներ և շնորհակալություն կփոխանցեք Ձեզ հուշողին»,- նշեց Վլադիմիր Վարդանյանը՝ դիմելով Ագնեսա Խամոյանին՝ հավելելով, որ գիտի, թե որտեղից են ծնվում նրա հարցերը: Խամոյանը հետաքրքրվել էր, թե արդյո՞ք Վարդանյանը համագործակցել է ԱԱԾ-ի հետ հանուն հայրենիքի և արդյո՞ք նրա համար անականկալ էր Արարատ Միրզոյանի (ում հետ քավոր-սանիկական կապի մեջ է)՝ ԱԱԾ-ի հետ հանուն հայրենիքի համագործակցելու մասին հայտարարությունը:
Մանրամասները՝ տեսանյութում:
