09.06.2026 | 21:24
Ադրբեջանը ծրագրում է Թուրքիայից KAAN կործանիչներ գնել
Հունաստանում հրդեհների պատճառով հազարավոր մարդիկ են տարհանվել, ոչնչացվել են հազարավոր հեկտարներ
Քաղաքականություն
09.08.2021 | 16:25
Անտառային հրդեհները շարունակում են տարածվել Հունաստանի Էվիա կղզում։ Կղզու բնակիչները ստիպված են եղել ծովով փախչել անվտանգ վայրեր:
Ավելի քան 2000 մարդ արդեն տարհանվել է, տարեց բնակիչները տեղափոխվել են լաստանավերով:
Տեղի իշխանությունները հայտնել են, որ հրդեհների դեմ պայքարելու համար բավականաչափ օգնություն չի ուղարկվել ՝ հավելելով, որ կղզու որոշ հատվածներ արդեն ոչնչացվել են, գրում է BBC-ն:
Հունաստանում այս օրերին վերջին 30 տարվա ընթացքում ռեկորդային շոգեր են գրանցվել, ջերմաստիճանը հասել է 45 աստիճանի։
Վերջին օրերին անտառային հրդեհների թիվը կտրուկ ավելացել է։
Նշվում է, որ Աթենքի հյուսիսային արվարձաններից մեկում հրդեհը հաջողվել է մարել:
BBC-ն նշում է, որ նման ջերմային ալիքները դառնում են ավելի հավանական և ավելի ծայրահեղ `մարդու գործունեության հետևանքով առաջացած կլիմայի փոփոխության պատճառով: Հետագա շոգ ու չոր եղանակը, ամենայն հավանականությամբ, կուժեղացնի անտառային հրդեհները:
Էվիայում ՝ Աթենքի հյուսիսում և արևելքում գտնվող մեծ կղզում, երկու հրդեհային ճակատներ ոչնչացրել են հազարավոր հեկտար հողեր, ինչպես նաև մի շարք տներ և ձեռնարկություններ:
Հրշեջ -փրկարարները պայքարում են կղզու մի շարք գյուղերում հրդեհները կանխելու համար:
