01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Աֆղանստանում 24 ժամվա ընթացքում սպանվել է ավելի քան 570 թալիբ
Քաղաքականություն
09.08.2021 | 14:27
Աֆղան զինվորականներն անցած մեկ օրվա ընթացքում Կանդագար, Հերաթ, Հելմենդ, Պակտիա և այլ շրջաններում վերացրել են ավելի քան 570 «Թալիբան» ծայրահեղական շարժման զինյալի։ Այս մասին հայտնում է «ՌԻԱ Նովոստին»՝ հղում կատարելով Աֆղանստանի պաշտպանության նախարարությանը։
«Աֆղանստանի ազգային անվտանգության ուժերի օպերացիայի արդյունքում Նանգարհար, Հոստ, Լոգար, Պակտիա, Կանդահար, Հերաթ, Ջաուզջան, Սամանգան, Հելմանդ, Թախար, Կունդուզ նահանգներում վերջին 24 ժամվա ընթացքում ոչնչացվել է 579 ահաբեկիչ, 161-ը վիրավորվել է»,- ասված է Աֆղանստանի ՊՆ տարածած հաղորդագրության մեջ։
Հավելենք, որ շաբաթ օրը հայտնի է դարձել, որ ամերիկյան B-52 Stratofortress ռմբակոծիչները օդային հարվածներ են հասցրել «Թալիբանի» ուժերի դեմ Ջաուզջան նահանգի մայրաքաղաք Շիբերգանում: Աֆղանստանի պաշտպանության նախարարության խոսնակ Ֆավադ Ամանի խոսքով ՝ հարձակման ընթացքում զոհվել է ավելի քան 200 թալիբ զինյալ, ոչնչացվել է ավելի քան 100 մեքենա, մեծ քանակությամբ զենք և զինամթերք։
Տաթև Ֆռանգյան
