19.02.2026 | 09:46
Լարսը փակ է բոլոր տեսակի տրանսպորտային միջոցների համար
Սա այն եզակի հարցերից է, որ պիտի ունենայինք բացառիկ կոնսենսուս․ Վարդևանյանը՝ Արցախի հարցերով մշտական հանձնաժողով ստեղծելու մասին. ՏԵՍԱՆՅՈՒԹ
Քաղաքականություն
06.08.2021 | 17:27
Սա այն եզակի հարցերից է, որի շուրջ պիտի ունենայինք բացառիկ կոնսենսուս: Այս մասին ԱԺ նիստում հայտարարեց «Հայաստան» դաշինքի պատգամավոր Արամ Վարդևանյանը։
«Նժարի վրա դրած է երկու հարց՝ մի նժարին առողջապահության, մյուսին՝ Արցախի հարցերով զբաղվող մշտական հանձնաժողովների ստեղծման հարցն է։ Ես կարծում էի, որ սա այն քիչ դեպքերից է, որ մենք ոչ թե պետք է բոցաշունչ ելույթներ ունենանք, այլ բացառիկ կոնսենսուս։ Պատգամավորներն ասում են՝ ո՛չ, չպետք է ունենանք մշտական հանձնաժողով, որովհետև պետք է լինի առողջապահական հարցերի հարցերի հանձնաժողով։ Իսկապե՞ս։
Նոյեմբերի 9-ի արհավիրքից հետո բոլորին է պարզ, որ անհրաժեշտ է Արցախի հարցերով զբաղվող հանձնաժողով ամենօրյա աշխատանքի համար, որովհետև միջխորհրդարանական ձևաչափը, որը տարին երկու անգամ հանդիպում է նախատեսում, փոխվել է։ Ի վերջո, Հայաստանի նորագույն պատմության մեջ մենք առաջին անգամ ունենք իրավիճակ, որ Հայաստանի Հանրապետության ամենաբարձր պաշտոն ունեցող անձը հոկտեմբերի ամսից չի եղել Արցախի Հանրապետությունում»,- նշեց Վարդևանյանը։
Մանրամասները՝ տեսանյութում:
