06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
ՔՊ-ն առաջնային ընտրելու է պաշտպանության և պետաիրավական հանձնաժողովները. Նազելի Բաղդասարյան. ՏԵՍԱՆՅՈՒԹ
Քաղաքականություն
06.08.2021 | 15:12
ԱԺ նախագահը և փոխխոսնակը օգտվում են իրենց լիազորություններից և իրավասություններից, և ես իրավասու չեմ նրանց գործողությունները մեկնաբանել»,- այս մասին լրագրողների հետ զրույցում նշեց «Քաղաքացիական պայմանագիր» խմբակցության քարտուղար Նազելի Բաղդասարյանը, անդրադառնալով դիտարկմանը, որ ԱԺ նախագահությունը ընդդիմադիր պատգամավորին նկատողություն է հայտարարել և խոսափողն անջատել է վարչապետին անունով դիմելու համար, մինչդեռ Նիկոլ Փաշինյանը պատգամավոր եղած ժամանակ Սերժ Սարգսյանի մասին խոսելիս անունով էր դիմում, ավելին՝ «իկ» ածանց էր ավելացնում և ասում՝ Սերժիկ:
«Ձեզ վստահեցնում եմ, որ տիկինը, որ ելույթ էր ունենում, նաև անվայելուչ արտահայտություններ է արել»,- նշեց Բաղդասարյանը՝ նկատի ունենալով «Պատիվ ունեմ» խմբակցության պատգամավոր Աննա Մկրտչյանի ելույթը:
Նազելի Բաղդասարյանը նշեց, որ ԱԺ-ում քննարկվում է մշտական հանձնաժողովների ձևավորման հարցը. «Խմբակցությունների միջև հստակ քաղաքական կոնսուլտացիաներ չեն եղել և ընդդիմության հետ որևէ համաձայնություն չունենք»:
Նրա խոսքով՝ «Քաղաքացիական պայմանագիրն» առաջնային ընտրելու է պաշտպանության և անվտանգային հարցերի, ինչպես նաև պետաիրավական հարցերի հանձնաժողովները:
Բաղդասարյանի կարծիքով՝ Արցախի հարցերով հանձնաժողովի ստեղծման դեպքում «Պատիվ ունեմ»-ը կզրկվի որոշ հանձնաժողովներում մասնակցությունից:
Մանրամասները՝ տեսանյութում:
