07.10.2026 | 16:04
Ադրբեջանն Ուկրաինային հերթական մարդասիրական օգնությունն է ուղարկել
Ես Լևոն Տեր-Պետրոսյանին չեմ պատասխանի. Վահագն Խաչատուրյան. ՏԵՍԱՆՅՈՒԹ
Քաղաքականություն
06.08.2021 | 11:17
Նախարարը պետք է լինի լավ կառավարիչ: Այս մասին Factor.am-ի հետ զրույցում նշեց ՀՀ բարձր տեխնոլոգիական արդյունաբերության նորանշանակ նախարար Վահագն Խաչատուրյանը՝ անդրադառնալով քննադատություններին, որ տնտեսագետ է, բայց նշանակվել է այդ պաշտոնում:
«Կառավարությունը երկու ձևով է կազմվում. նշանակվում են քաղաքական դեմքեր, որոնք իրականացնում են կառավարում, և կա նաև զուտ մասանգիտական հատկանիշներից ելնելով նշանակում: Ես չեմ կարծում, որ իմ նշանակումը խիստ տարբերվում է այս սկզբունքներից: Իմ կենսագրությունը, որ մանրամասն կարդան, կմեղմացնեն իրենց գնահատականները. խորհրդային տարիներին ես աշխատել եմ բարձր տեխնոլոգիաներով զբաղվող ձեռնարկություններում:
Իմ անձնական մոտեցումն այն է, որ նախարարը պետք է լինի լավ կառավարիչ, կարողանա աշխատանքները կոորդինացնել որպես մենեջմենթ»,- ասաց Խաչատուրյանը:
Լևոն Տեր-Պետրոսյանը կադրերի՝ ՀԱԿ-ից դեպի այս իշխանություն գալու քայլը բնորոշել էր որպես «առնետավազք»: Անդրադառնալով այս դիտարկմանը՝ Խաչատուրյանը նշեց. «Ես Տեր-Պետրոսյանին չեմ պատասխանի»: Հարցին, թե ինչու չի պատասխանի, նախարարը նշեց. «Որովհետև Լևոն Տեր-Պետրոսյանն է»:
Մանրամասները՝ տեսանյութում:
