18.01.2026 | 13:09
Նույն ընտանիքից զորակոչվեցին երկու ժամկետային զինծառայող՝ իգական և արական սեռի
Ես ուզում եմ Արմեն Աշոտյան դառնալ կամ Աշոտ Նավասարդյան․․․ Բա Դո՞ւք ինչ եք ուզում դառնալ․ Մամիջանյանը՝ Պապոյանին. ՏԵՍԱՆՅՈՒԹ
Քաղաքականություն
05.08.2021 | 13:17
Այսօր խորհրդարանում ելույթ ունեցավ «Պատիվ ունեմ» խմբակցության քարտուղար Հայկ Մամիջանյանը՝ անդրադառնալով ՔՊ պատգամավոր Գևորգ Պապոյանի ելույթին:
Հիշեցնենք՝ «Քաղաքացիական պայմանագիր» խմբակցության պատգամավոր Գևորգ Պապոյանն այսօր «Պատիվ ունեմ» խմբակցության պատգամավոր Հայկ Մամիջանյանին ԱԺ իր ելույթում անվանեց «փոքրիկ Արմեն Աշոտյան»։
Ի պատասխան՝ Մամիջանյանը հիշեցրեց, որ նախկին ՀՀԿ-ական Գևորգ Պապոյանը ժամանակին Տնտեսագիտական համալսարանում հերթ էր կանգնել, որ սեղմեր Արմեն Աշոտյանի ձեռքը։
«Լուսանկարները, թե դուք ինչ հպարտությամբ էիք կրում ՀՀԿ-ի զինանշանը, կան համացանցում»,-ասաց ընդդիմադիր պատգամավորը։
«Բարի, ես ուզում եմ Արմեն Աշոտյան, Աշոտ Նավասարդյան, Անդրանիկ Մարգարյան կամ Վազգեն Սարգսյան դառնալ, բա՞ դուք ինչ եք ուզում դառնալ, պարոն Պապոյան, մա՞րդ, որը հանձնել է մեր հայրենիքի 75 տոկոսը, մա՞րդ, որը հինգ հազար զոհի պատճառ է դարձել, ուզում եք դառնալ մա՞րդ, ով խախտել է մեր սահմանների անվտանգությունը, ուզում եք դառնալ մա՞րդ, ով մուրում է խաղաղություն. եթե դա եք ուզում դառնալ, որևէ խնդիր չկա», – ասաց «Պատիվ ունեմ» խմբակցության պատգամավորը։
«Ժամանակին երազել եք դառնալ ՀՀԿ-ից պատգամավոր, դա դա բավական բարդ է՝ հաշվի առնելով Հանրապետականի մրցակցությունը, բայց բավական հեշտ ստացվեց ՔՊ-ով։ Դահլիճում մասնագիտությամբ բժիշկ պատգամավորները կփաստեն, երազախաբությունը բուժվող հիվանդություն է, պարո՛ն Պապոյան»,- իր խոսքն այսպես եզրափակեց ընդդիմադիր պատգամավորը:
Մանրամասները՝ տեսանյութում:
