30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Փաշինյանի այցն Իրան․ Սուքիասյանը՝ գործարարների վերաբերյալ Ավինյանի գրառման մասին․ Լուրեր
Քաղաքականություն
05.08.2021 | 13:06
Վարչապետ Նիկոլ Փաշինյանը ժամանել է Թեհրան, որտեղ նա մասնակցելու է Իրանի նորընտիր նախագահ Էբրահիմ Ռայիսիի հետ հանդիպմանը։ Նախատեսված է նաև Փաշինյանի հանդիպումը Ռայիսիի հետ։
—
Ռուսաստանի ԱԳՆ-ն հայտարարություն է տարածել ՄԱԿ-ի Գլխավոր ասամբլեայի 76-րդ նստաշրջանին ընդառաջ։ Դրանում նաև նշվում է, որ Լեռնային Ղարաբաղի հակամարտության գոտում իրավիճակի կարգավորման ջանքերի շրջանակում առաջնահերթություն է նոյեմբերի 9-ի ու հունվարի 11-ի եռակողմ հայտարարությունների իրականացումը: Օգտակար ենք համարում ՄԱԿ-ի գործակալությունների, հատկապես՝ ՄԱԿ-ի Փախստականների հարցերով գերագույն հանձնակատարի գրասենյակի ներգրավումը ռուսական խաղաղապահ գործողությունների անցկացման գոտում իրականացվող հումանիտար աշխատանքներին:
—
ՔՊ պատգամավոր Խաչատուր Սուքիասյանը Factor TV-ի հարցին պատասխանելիս անդրադարձել է նախկին փոխվարչապետ Տիգրան Ավինյանի այն գրառմանը, որ չեն կարողացել ապահովել, որ իրենց ցուցակում չլինեն գործարարներ։ Սուքիասյանն ասել է, որ 2005 թվականից հիմնականում չի զբաղվում գործարարությամբ։ Նա նաև նշել է, որ բոլոր նրանք, ովքեր կարող են օգուտ տալ Հայաստանին, պետք է ներգրավվեն այդ աշխատանքում՝ անկախ նրանից, թե ինչով են զբաղվել նախկինում։
