30.10.2026 | 10:45
Ուկրաինական ԱԹՍ-ների գրոհի հետևանքով Սամարայի մարզի նավթավերամշակման գործարանում հրդեհ է բռնկվել
Ո՞վ ա ձեզ սպառնում, հանգստացեք․ թեժ վիճաբանություն՝ ԱԺ-ում. ՏԵՍԱՆՅՈՒԹ
Քաղաքականություն
03.08.2021 | 17:33
«Ի՞նչ է կատարվում այս դահլիճում արդեն երկու օր շարունակ: Եթե դուք գտնում եք, որ մենք կառուցողական դաշտում համատեղ անելիք չունենք, կստանաք համապատասխան գնահատական, եթե կգտնեք հակառակը՝ կստանաք այդ գնահատականը»,- Աժ իր ելույթում դիմելով ընդդիմադիր խմբակցությունների պատգամավորներին՝ այս մասին ասաց «Քաղաքացիական պայմանագիր» խմբակցության պատգամավոր Վաղարշակ Հակոբյանը:
«Այս դահլիճում հնչում են ելույթներ, որոնք իրականության հետ շատ հաճախ աղերս չունեն: Դուք իրապե՞ս կարծում եք, որ մեր և ձեր ընտրողներն այս քննարկմանն են սպասո՞ւմ… Կա ընդամենը երկու ճանապարհ՝ լինել կառուցողական, զբավել ՀՀ քաղաքացիների խնդիրներով, կամ լինել հակակառուցողական»,-ընդգծեց Հակոբյանը:
«Քիչ առաջ մեր գործընկերները խոսում էր սահմանների մասին և հարցեր էր բարձրացնում: Այն սահմանների մասին է խոսքը, որ դուք ճանաչել եք 2010-ի ձեր քվեարկությամբ»,- ասաց պատգամավորը:
Նա առաջարկեց հետագա քննարկումներում հարգել միմյանց. «Այլապես տուժողը դուք եք լինելու»:
Վաղարշակ Հակոբյանի ելույթից հետո կրքերը թեժացան, դահլիճից հնչեցին գոռգոռոցներ:
«Պահպանեք էթիկայի նորմերը… Հանգի՛ստ պահեք ձեզ, և եղե՛ք կառուցողական»,- ասաց Հակոբյանը:
«Ով ա՞ ձեզ սպառնում, մի՛ վախեցեք, ձեզ ոչ ոք չի սպառնում»,- պատասխանելով ընդդիմադիրների շարքերից հնչող ձայներին՝ ասաց ՔՊ-ական պատգամավորը:
Մանրամասները՝ տեսանյութում:
