06.06.2026 | 11:21
ԿԸՀ-ն բավարարել է պատգամավորի 6 թեկնածուի անձեռնմխելիությունից զրկելու միջնորդությունը. նրանց ձերբակալելու որոշում է կայացվել
Պատրաստվո՞ւմ եք ներողություն խնդրել «Լեռնային Ղարաբաղի տարածք» եզրույթի համար․ Թագուհի Թովմասյան. ՏԵՍԱՆՅՈՒԹ
Քաղաքականություն
03.08.2021 | 11:14
«Ձեր թիմակից Արմեն Գրիգորյանը, որն անվտանգության խորհրդի քարտուղարն էր, իսկ այսօր՝ ԱԳ նախարարի տեղակալն է, և, ամենայն հավանականությամբ, նախարար կնշանակվի, օգտագործել է խիստ անընդունելիեզրույթ «Լեռնային Ղարաբաղի տարածք»։ Ուզումեմ իմանալ Ձեր կարծիքը։ Ներքին քննարկում եղե՞լ է այդ առիթով, և արդյո՞ք իշխանությունը պատրաստվում է ներողություն խնդրել, շտկել այդ սխալը»,-ԱԺ այսօրվա նիստում խորհրդարանի նախագահի տեղակալի պաշտոնում առաջադրված թեկնածու Ռուբեն Ռուբինյանին այս հարցն ուղղեց «Պատիվ ունեմ» դաշինքի պատգամավոր Թագուհի Թովմասյանը։
Ռուբեն Ռուբինյանը պատասխանեց, որ եթե չի սխալվում, այդպիսի հայտարարություն արել է ոչ թե Արմեն Գրիգորյանը, այլ ՀՀ ԱԳՆ-ն:
«Ինչի մասին է խոսքը. Ալիևը վերջերս ասել էր, թե իբր «Լեռնային Ղարաբաղ» միավոր գոյություն չունի։ Նա նպատակ է հետապնդում մոռացության մատնել ԼՂ-ն առհասարակ։ «ԼՂ տարածք եզրույթը» ոչ թե ԱԳՆ օգտագործած եզրույթն է, այլ ԱԳՆ-ն հղում է արվում այն փաստին, որ Ալիևն ինքն է նոյեմբերի 9-ի հայտարարությամբ ամրագրել, որ կա Լեռնային Ղարաբաղ։ Իսկ նոյեմբերի 9-ի հայտարարության մեջ ամրագրված է «ԼՂ տարածքներ» եզրույթը։ Սա է ամբողջ եղելությունը»։
Թագուհի Թովմասյանը պնդեց, որ Ալիևին հաճելի եզրույթներ չի կարելի օգտագործել, նման բաները հետագայում միջազգային իրավական ատյաններում ՀՀ-ի դեմ են օգտագործվելու։
Մանրամասները՝ տեսանյութում:
