31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Վլադիմիր Պուտինը շնորհավորել է Նիկոլ Փաշինյանին ՀՀ վարչապետի պաշտոնում նշանակվելու առթիվ
Քաղաքականություն
02.08.2021 | 19:30
ՌԴ նախագահ Վլադիմիր Պուտինը շնորհավորել է Նիկոլ Փաշինյանին Հայաստանի վարչապետի պաշտոնում նշանակվելու կապակցությամբ: Այս մասին տեղեկանում ենք Կրեմլի լրատվական ծառայության տարածած հաղորդագրությունից:
«Ընդունեք իմ շնորհավորանքները ՀՀ վարչապետի պաշտոնում նշանակվելու կապակցությամբ։ Հուսով եմ, որ Ձեր գլխավորած կառավարության գործունեությունը կնպաստի ռուս-հայկական բարեկամական, դաշնակցային հարաբերությունների հետագա զարգացմանը, ինչպես նաև խաղաղության, անվտանգության և կայունության ամրապնդմանը Հարավային Կովկասում։
Մեր կողմից պատրաստ ենք կառուցողական երկխոսության շարունակությանն ու համատեղ աշխատանքին՝ երկկողմ ու տարածաշրջանային օրակարգի ակտուալ հարցերի շուրջ»,- ասված է հաղորդագրությունում:
Էմմա Չոբանյան
