30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Կարող են լինել նաև զոհեր, բայց այս փուլը պետք է հաղթահարենք. Գուրգեն Արսենյան. ՏԵՍԱՆՅՈՒԹ
Քաղաքականություն
02.08.2021 | 12:54
«Երբ որ մենք կավարտենք մեր սահմանների ճշգրտումը, երբ որ կհռչակենք, թե որոնք են ՀՀ սահմանները, դրանից հետո ցանկացած ոտնձգություն մեր սահմանից մեկ մետր այս կողմ, կարող է դատապարտվել ՀՀ ՔՕ համապատասխան հոդվածով»,- այս մասին այսօր լրագրողների հետ զրույցում նշեց «Քաղաքացիական պայմանագիր» խմբակցության պատգամավոր Գուրգեն Արսենյանը:
«Մինչև մենք չճշգրտենք մեր սահմանները, չպետք է կրակենք իրար վրա: Մեր խնդիրն այսօր իրար վրա չկրակելն է, եթե իրենք կրակեն, մենք էլ կկրակենք, բայց մեր խնդիրը նախահարձակ չլինելն է: Մեր պետությունը՝ Հայաստանի Հանրապետությունը, պետք է կարողանա անցնել այս փուլը:
Բոլորս էլ ծանր ենք տարել այն, ինչ տեղի է ունեցել, բոլորս էլ կորուստներ ենք ունեցել, մեկը հարազատի կորուստ է ունեցել, մեկը շատ ծանր է տարել տարածքային կորուստը, բայց մենք պետք է կարողանանք անցնել այս փուլը: Եթե մենք չկարողանանք այս փուլը հաղթահարել կազմակերպված պետության պետական մտածողությամբ, երբեք դուրս չենք գա այս քննարկումներից: Կարող են լինել նաև զոհեր, սակայն մենք այս փուլը պետք է հաղթահարենք, որովհետև պետություն ենք: Մենք պետք է այս քննությունը կարողանանք հաղթահարել, ոչ թե այս հարվածը, որը շատ ծանր է, բերի նրան, որ մեր բոլոր համակարգերը վերածվեն բամբասանքի ու վհատության: Բոլոր սոցիալական օղակները պետք է վերականգնեն իրենց արդյունավետությունը»,- նշեց Արսենյանը:
Մանրամասները՝ տեսանյութում:
