27.04.2024 | 20:58
Հետաքրքիր է՝ Սևանի ափին ծիրանի ծառ. Նիկոլ Փաշինյան. ՏԵՍԱՆՅՈՒԹ
Տոկիո-2020. Արթուր Ալեքսանյանը դուրս եկավ կիսաեզրափակիչ
02.08.2021 | 09:04
Ռիո-2016 Օլիմպիական խաղերի չեմպիոն, աշխարհի եռակի ու Եվրոպայի հնգակի չեմպիոն, Եվրոպական խաղերի հաղթող Արթուր Ալեքսանյանը (97 կգ) նվաճեց Ճապոնիայի մայրաքաղաք Տոկիոյում անցկացվող 32-րդ ամառային Օլիմպիական խաղերի հունահռոմեական ոճի ըմբշամարտի մրցաշարի կիսաեզրափակիչի ուղեգիր:
Ալեքսանյանը երկրորդ գոտեմարտում 5:1 հաշվով հաղթեց ֆինն Արվի Սավոլայնենից:
Կիսաեզրափակիչում օլիմպիական չեմպիոնը կմրցի իրանցի Մոհամադհադի Սարավիի հետ: Կիսաեզրափակիչի գոտեմարտերը կմեկնարկեն Երևանի ժամանակով 13:15-ից: Կիսաեզրափակիչի մյուս զույգը կազմել են ռուս Մուսա Եվլոևն ու լեհ Տադեուժ Միչալիկը:
Արթուր Ալեքսանյանը 1/8 եզրափակիչում մեկնարկել էր Ղրղզստանի ներկայացուցիչ 25-ամյա Ուզուր Ջուժուպբեկովի նկատմամբ 4:1 հաշվով հաղթանակով:
Տոկիո 2020-ը Արթուր Ալեքսանյանի երրորդ Օլիմպիական խաղերն է:
