25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Ժիրինովսկին՝ Ադրբեջանի բողոքի նոտայի մասին
Քաղաքականություն
01.08.2021 | 18:46
Ռուսաստանի լիբերալ-դեմոկրատական կուսակցության առաջնորդ Վլադիմիր Ժիրինովսկին, մեկնաբանելով իր արտահայտությունների պատճառով Ադրբեջանի կողմից տրված նոտան, հիշեցրել է խոսքի ազատության մասին:
Ինչպես փոխանցել է «ՌԻԱ Նովոստի»-ն, Ժիրինովսկին նշել է, որ Ադրբեջանի նախագահ Իլհամ Ալիևին իմաստուն ղեկավար է անվանել։
«Նրա հայրը՝ Հեյդար Ալիևը, ավելի լավն էր։ Ես գովել եմ և՛ Իլհամ Ալիևին, և՛ նրա հորը։ Իսկ եթե ինչ-որ չինովնիկներ վատ են մտածում և որոշել են ժամանակավոր հավատարմատարին ինչ-որ նոտա հանձնել, ապա նրանք ինչ-որ բան չգիտեն խոսքի ազատության մասին»,- եզրափակել է Ժիրինովսկին։
Բաքվում ՌԴ դեսպանության գործերի ժամանակավոր հավատարմատարը հրավիրվել է Ադրբեջանի ԱԳՆ, նրան նոտա են հանձնել երկրի մասին Ժիրինովսկու արտահայտությունների կապակցությամբ։
Ավելի վաղ քաղաքական գործիչը, խոսելով Հայաստանի և Ադրբեջանի սահմանին լարվածության մասին, հայտարարել էր, որ Ռուսաստանը պետք է վերադառնա Ռուսական կայսրության և ԽՍՀՄ բոլոր տարածքներ, իսկ Հարավային Կովկասը ռուսական ազդեցության գոտի է:
