30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
ԱԺ 7-րդ գումարման խորհրդարանն իր գործունեությունն ավարտեց արտահերթ նստաշրջանով
Քաղաքականություն
31.07.2021 | 11:44
Պատգամավորների նախաձեռնությամբ գումարվեց Ազգային ժողովի արտահերթ նստաշրջան: Մինչ քննարկումներին անցնելը խորհրդարանականներն անդրադարձան հայ-ադրբեջանական սահմանին ստեղծված լարված իրավիճակին. տեղեկացնում են ՀՀ ԱԺ-ից:
Այնուհետեւ խորհրդարանն առաջին ընթերցմամբ քննարկեց «Իմ քայլը» խմբակցության պատգամավորների հեղինակած Քրեական եւ Քրեական դատավարության օրենսգրքերում նախատեսվող լրացումները:
Առաջարկվում է քրեականացնել անձին ծանր վիրավորանք հասցնելը:
Ներկայացված հաջորդ նախաձեռնությամբ Կառավարությունը, նպատակ ունենալով ընդլայնել ուսման վճարի փոխհատուցումից օգտվող շահառուների շրջանակը, փոփոխություններ է առաջարկում «Բարձրագույն եւ հետբուհական մասնագիտական կրթության մասին» եւ կից օրենքներում:
Նախագիծն օրենք դառանալու դեպքում ուսման վարձի մասնակի փոխհատուցումից այս տարի կօգտվի շուրջ 4000, 2022-ին՝ 6800, 23-ին՝ 6000, իսկ 2024 -ին՝ 4600 ուսանող:
Ներկայացված նախագծերը մինչ երկրորդ ընթերցում քննարկվեցին նաեւ գլխադասային հանձնաժողովներում: Որոշ տեխնիկական շտկումների արդյունքում խորհրդարանն ընդունեց օրենսդրական փաթեթները:
