31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Ես փաստաթուղթը տեսել եմ, լրագրողներն ինչո՞վ դարձան վտանգավոր, ինձ, օրինակ, երբեք չեն խանգարել. Թովմասյան. ՏԵՍԱՆՅՈՒԹ
Քաղաքականություն
30.07.2021 | 15:33
«Երբ տեղեկություն ստացա, որ լրագրողների տեղաշարժը ԱԺ-ում սահմանափակվելու է, ուղարկել եմ գրություն և մինչ օրս պատասխան չունեմ. Թերևս հիմնավորումներն են փնտրում, որպեսզի տրամաբանական հիմնավորում ներկայացնեն, թե ինչ խնդիր է այն, որ լրագրողները միջանցքում մոտենում են որևէ պատգամավորի և հարց տալիս: Այս մասին ԱԺ-ում լրագրողների հետ զրույցում նշեց ԱԺ պատգամավոր Թագուհի Թովմասյանը:
«Եթե մենք հանրային գործիչներ ենք, ժողովրդի կողմից ընտրված պատգամավորներ ենք, ինչո՞ւ ենք խուսափում լրագրողներից: Սա ինձ համար ամենաանընդունելի մոտեցումն է: Ես նաև իմ հարցաշարի մեջ գրել եմ, որ խորհրդարանի ձևավորման օրվանից ավանդույթ կա, որի դրսևորումն այն է, որ լրագրողները ազատ կարողանում են այս կառույցում շրջել և իրենց հարցերի պատասխանն տանալ պատգամավորներից, նաև կառավարության անդամներից: Սա լրագրողների համար ազատ տեղաշարժի և մեկնաբանություններ ստանալու միակ հնարավորությունն է: Ստացվում է, որ լրագորղներըժն այսուհետ զրկված եք լինելու բացառիկ տեղեկություն ստանալու, բացառիկ կադրեր անելու հնարավորությունից:
Ես կարծում եմ՝ որևէ երկրի օրինակ բերելն այստեղ ճիշտ չէ, ի վերջո մի բան էլ մենք պետք է մինչև վերջ անենք: Այսօր խոսում են անվտանգության մասին, և այս սարքերը, որ տեղադրված են դահլիճի մոտ, մի քիչ նսեմացուցիչ է: Մի հատ ստուգում են ԱԺ շենք մտնելիս, մի հատ դահլիճ մտնելիս, ինչի՞ց են վախենում, անհասկանալի է: Եթե կարող են այսպիսի անվտանգություն ստեղծել լոկալ պայմաններում, ինչո՞ւ է մեր սահմաններն անվտանգության առումով բաց»,- ասաց Թովմասյանը:
Նա նաև հավելեց, որ երբևէ որևէ լրագրող իրեն չի խանգարել: Դիտարկմանը, որ Ալեն Սիմոնյանի խոսքով՝ նախատեսված սահմանափակումներն իրականացվելու են անվտանգության խնդիրներից ելնելով՝ Թովմասյանը նշեց. «Այդ ի՞նչ տեղի ունեցավ, որ անվտանգության հարց առաջացավ: Այսինքն՝ նոր խմբակցությունների՞ց են վախենում: Կամ խորհրդարանում այդ ո՞վ է այդքան վտանգավոր, որ պետք է 4 անգամ ստուգեն, նոր մտնի դահլիճ:
Չմոռանանք, որ այս խորհրդարանում եղել են անվտանգության ատրբեր օղակներ, բայց մենք ունեցել ենք Հոկտեմբերի 27, մարդիկ զենքեր տեղափոխեցին խորհրդարան: Այս ցուցադրական սարքերը տեղադրելով, չեմ կարծում՝ որևէ հարց պետք է լուծվի»:
Մանրամասները՝ տեսանյութում:
