07.10.2026 | 21:25
Հայաստանում երկաթգծերը վերականգնելու նախագծման մրցույթին ղազախական ու ուզբեկական ընկերություններ են մասնակցել, բայց չեն հաղթել
Բաքուն, Անկարան շտապում են. Թուրքիայի հեռավոր նպատակը ՀՀ-ն վասալ դարձնելն է. Սաֆրաստյան. ՏԵՍԱՆՅՈՒԹ
Քաղաքականություն
30.07.2021 | 14:03
«Բաքուն, Անկարան շտապում են: 44-օրյա պատերազմի ժամանակ Թուրքիան չստացավ այն արդյունքները, ինչ նախատեսում էր: Այսօր հրավիրված ասուլիսում այս մասին նշեց ՀՀ ԳԱԱ ակադեմիկոս թուրքագետ Ռուբեն Սաֆրաստյանը՝ հավելելով, որ մասնավորապես, այդ պատերազմը հրահրելով՝ Թուրքիան նպատակ ուներ այնպիսի իրավիճակ ստեղծել, որ տեղակայվեին ռուս-թուրքական համատեղ խառը խաղաղապահ ուժեր Արցախի շուրջ, այսինքն՝ այն մոդելը լիներ, ինչպես կար Սիրիայում, բայց ռուսները դրան չգնացին, թույլ չտվեցին:
«Թուրքիան հաշվարկել էր, որ այդ համատեղ պարեկները հնարավորություն կունենային մուտք գործել Հայաստան: Թուրքական դիվանագիտության վերջնական նպատակը ոչ միայն Արցախն է, այլ նաև Հայասատնն է. հնարավորինս թուլացնել ՀՀ ինքնիշխանությունն ու պետականությունը և հասնել նրան, որ Հայաստանը, որպես ինքնուրույն պետություն, դադարի գոյություն ունենալ, դառնա Թուրքիայի վասալը: Համոզված եմ, որ սա է Թուրքիայի հեռավոր նպատակը:
Թուրքերը չստացան այն, ինչ նախատեսում էին և հիմա փորձում են Ադրբեջանի միջոցով հնարավորինս շատ բան պոկել Հայաստանից»,- ասաց Ռուբեն Սաֆրաստյանը: Նա նաև ընդգծեց, որ գնալով ՀՀ-ն վերականգնվում է, և դրա համար Թուրքիան ու Անկարան շտապում են:
Մանրամասները՝ տեսանյութում:
