03.03.2026 | 23:33
«Դա ձեզ համար Ուինսթոն Չերչիլը չէ». Թրամփը հայտարարել է, որ հատկապես դժգոհ է Մեծ Բրիտանիայի արձագանքից
Եթե ՀԱՊԿ-ը կրկին չիրականացնի իր գործառույթները, շատ լուրջ հարցականի տակ կդնի իր ապագան․ Սաֆրաստյան. ՏԵՍԱՆՅՈՒԹ
Քաղաքականություն
30.07.2021 | 13:49
Թուրքիան ու Ադրբեջանը Հայաստանի վրա ճնշումներն ուժեղացնելով փորձում են Հայաստանից զիջումներ կորզել մի քանի կարևոր հարցերում: Այսօր հրավիրված ասուլիսում այս մասին նշեց ՀՀ ԳԱԱ ակադեմիկոս թուրքագետ Ռուբեն Սաֆրաստյանը՝ հավելելով, որ այդ կարևոր հարցերը վերաբերում են Արցախի կարգավիճակին, Հայաստանի սահմաններին:
ՀՀ վարչապետի պաշտոնակատար Նիկոլ Փաշինյանը կառավարության նիստում նշել էր, որ Ադրբեջանի և Հայաստանի փոխադարձ մեղադրանքների իսկությունը պարզելու հարցում հնարավոր լուծումներից մեկը կարող է լինել ՀԱՊԿ մոնիտորինգային առաքելության տեղակայումը հայ-ադրբեջանական սահմանի երկայնքով:
Այս առնչությամբ Ռուբեն Սաֆրաստյանը նշեց, որ ՀԱՊԿ-ը պետք է շատ լուրջ քննարկի այս առաջարկը:
«Եթե ՀԱՊԿ-ն այս անգամ էլ չկարողանա իրականացնել իր հիմնարար գործառույթները, որոնց համար ինքը ստեղծվել է, ապա դա լուրջ հարցականի տակ կդնի այդ կազմակերպության ապագան»,- ասաց թուրքագետը:
Մանրամասները՝ տեսանյութում:
