15.09.2026 | 22:42
Պուտինի մերձավոր ռուս օլիգարխ Կրեմլյովը վճարել է Թրամփի որդու հարսանիքի ծախսերի մի մասը. ProPublica-ի հետաքննությունը
ՀՀ-ն մտադիր է դիմել այնպիսի քայլերի, որոնք կապահովեն տարածաշրջանում խաղաղությունը․ Ն․ Բաղդասարյան
Քաղաքականություն
30.07.2021 | 12:27
Հայաստանն իր տարածքային ամբողջականության հարցում չունի զիջման որևէ ճանապարհ: Այս մասին այսօր ԱԺ արտահերթ նիստում հայտարարեց «Իմ քայլը» խմբակցության պատգամավոր Նազելի Բաղդասարյանը՝ անդրադառնալով վերջին օրերին տիրող սահմանային իրավիճակին:
«Իրավիճակի ողջ պատասխանատվությունը կրում է Ադրբեջանի ռազմաքաղաքական ղեկավարությունը, և ակնհայտ է, որ միտումնավոր սրում է իրավիճակը՝ դիմելով սադրիչ գործողությունների: Դեռևս մայիսի 12-ից Ադրբեջանի զինված ստորաբաժանումները, որոնք գտնվում են ՀՀ-ի ինքնիշխան տարածքում, վերջին օրերին ակնհայտորեն սադրիչ գործողություններ են իրականացնում»,- ասաց Բաղդասարյանը:
Պատգամավորը հավելեց՝ այս ամենը խախտում է եռակողմ պայմանավորվածությունները, բայց ՀՀ-ն և ՀՀ իշխանությունները մտադիր են դիմելու այնպիսի քայլերի, որոնք կապահովեն տարածաշրջանում անվտանգությունն ու խաղաղությունը:
Բաղդասարյանը ԱԺ բոլոր պատգամավորների անունից ցավակցեց զոհված զինվորների հարազատներին:
«Նշում եմ մեր հաստատակամությունը, որ մենք մեր տարածքային ամբողջականության հարցում չունենք որևէ զիջման ճանապարհ: Եվ սրանով հանդերձ կոչ եմ անում միջազգային բոլոր կառույցներին՝ դիմել հստակ, գործուն քայլերի»,- նշեց պատգամավորը:
Մանրամասները՝ տեսանյութում:
