17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
ԱԺԲ-ն փողոցային պայքար է սկսելու. ՏԵՍԱՆՅՈՒԹ
Քաղաքականություն
30.07.2021 | 11:37
Ազգային ժողովրդավարական բևեռը պատրաստվում է փողոցային պայքար սկսելու: Այս մասին «Իրավիճակը առաջնագծում և մեր անելիքները» թեմայով այսօր հրավիրված ասուլիսում հայտարարեց Ազգային ժողովրդավարական բևեռի խորհրդի անդամ Վարուժան Ավետիսյանը:
«Ժովուրդը պետք է համախմբվի, այնքան ուժ պետք է կենտրոնացվի, որ կարողանա իր կամքը պարտադրել ռուս-թուրքական կամքն իրականացնող իշխանություններին և ձևավորել ազգային իշխանություն: Երբ ասում ենք փողոց դուրս գալ և կամք պարտադրել, նկատի ունենք, որ պետք է լինեն գործողություններ, այդ թվում՝ նաև քաղաքացիական անհնազանդության քայլեր»,- նշեց Ավետիսյանը:
Նրա դիտարկմամբ՝ թշնամին նորից հարձակվել է, բայց ժողովրդի նույնիսկ գիտակից մասը կարծես թե անգիտակից վիճակում է. «Կամազրկված վիճակում է, բավարարվում է ֆեյսբուքում ստատուսներ գրելով: Մենք հորդորում ենք, որ ի վերջո գոնե հասկացողները հասկանան»:
«Մենք ժողովրդին չենք մեղադրում, մենք խոսում ենք քաղաքական որոշակի գիտակցություն ունեցող շերտի մասին՝ նրա վրա դնելով ամբողջ հույսը և պատասխանատվությունը, այդ թվում՝ նաև մեզ վրա: Մենք հիմա տեսնում ենք, որ դեռևս պահը հասունացած չէ, և մենք ամեն կերպ, նաև այս ասուլիսով հասունացմանն ենք նպաստում: Համոզված ենք, որ «քնած» չեն մնա: Թող ոչ մեկը չնեղանա, մենք երբեմն-երբեմն կսմթելու ենք»,- ընդգծեց Ավետիսյանը:
Մանրամասները՝ տեսանյութում:
