19.11.2024 | 10:14
Արտարժույթների փոխարժեքները՝ նոյեմբերի 19-ի դրությամբ
Անհապաղ ապաէսկալացնել իրավիճակը, զերծ մնալ սադրիչ հռետորաբանությունից և գործողություններից, վերադառնալ բանակցություններին․ ԵԱՀԿ ՄԽ հայտարարությունը
Քաղաքականություն
29.07.2021 | 20:01
ԵԱՀԿ Մինսկի խմբի համանախագահները հանդես են եկել հայ-ադրբեջանական սահմանին տեղի ունեցող ռազմական միջադեպերի մասին հայտարարությամբ։ Այս մասին տեղեկանում ենք ԵԱՀԿ պաշտոնական կայքում տեղադրված հաղորդագրությունից։
Հայտարարության մեջ ասվում է, որ համանախագահները մտահոգված են հայ-ադրբեջանական սահմանին տեղի ունեցած վերջին միջադեպերի մասին հաղորդագրություններով, ներառյալ՝ հաղորդումները զոհերի և մարդկային կորուստների մասին։
Համանախագահները կոչ են անում Հայաստանին և Ադրբեջանին անհապաղ ապաէսկալացնել իրավիճակը, զերծ մնալ սադրիչ հռետորաբանությունից և գործողություններից և ամբողջությամբ կատարել 2020թ նոյեմբերի 9-ի հայտարարությամբ համաձայնեցված պայմանավորվածությունները:
Նրանք վերահաստատում են ուղիղ երկկողմ խորհրդակցություններ կազմակերպելու առաջարկը, որպեսզի կողմերը վերադառնան կառուցողական բանակցությունների օրակարգ և գան համաձայնության՝ առանց նախապայմանների, և դրա համար ԵԱՀԿ համանախագահությունն առաջարկում է իր աջակցությունը։
Համանախագահները նաև վերահաստատում են իրենց վճռական աջակցությունը ԵԱՀԿ գործող նախագահի անձնական ներկայացուցչի և նրա թիմի շարունակական ջանքերին:
