15.01.2025 | 09:30
ՀՀ տարածքում կա փակ ավտոճանապարհ
Ցածր աշխատավարձերի հետևանքով Երևանի քաղաքապետարանը չի կարողանում հանդես գալ որպես մրցունակ գործատու. ՏԵՍԱՆՅՈՒԹ
Քաղաքականություն
29.07.2021 | 11:36
Երևանի ավագանին հուլիսի 29-ի արտահերթ նիստում քննարկվում է քաղաքապետարանի աշխատակիցների աշխատավարձերի ավելացման հարցը։
«Ցածր աշխատավարձերի հետևանքով Երևանի քաղաքապետարանը չի կարողանում հանդես գալ որպես մրցունակ գործատու աշխատանքային շուկայում և ներկայիս պայմաններում, նկատվում է նաև մասնագետների որոշակի արտահոսք, որը բացասական ազդեցություն է թողնում մեր կողմից նախանշված Երևան քաղաքի զարգացման տեսլականին»,- ներկայացնելով նախագիծը՝ նշեց Երևանի ավագանու «Իմ քայլը» խմբակցության անդամ, նախագծի համահեղինակ Լևոն Հովհաննիսյանը:
«Հաշվի առնելով վերոնշյալը՝ մինչ օրս Երևանի քաղաքապետարանը, որպես խնդրի լուծում կիրառել է հավելավճարների բաշխումը, որը չնայած իր բյուջետային տնտեսագիտական դասակարգմանը՝ կիրառվել է որպես աշխատավարձի հավելման գործիք: Ընդ որում՝ նախագծում հաշվի է առնված Երևան համայնքի բյուջետային միջոցների վերաբաշխման գործոնը, մասնավորապես նշված փոփոխության արդյունքում Երևան համայնքի բյուջեի աշխատավարձի ֆոնդը չի գերազանցում 2020 թվականի բյուջեով նախատեսված աշխատավարձի և պարգևատրման ֆոնդի գումարին»,- ասաց Հովհաննիսյանը։
