18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ադրբեջանը ցանկանում է խուճապ ստեղծել սահմանամերձ բնակչության շրջանում և խթանել արտագաղթը․ քաղաքագետ․ ՏԵՍԱՆՅՈւԹ
Քաղաքականություն
28.07.2021 | 19:09
«Հայ-ադրբեջանական սահմանային մարտերի քաղաքական նպատակները» թեմայով առցանց քննարկման ժամանակ անդրադարձ կատարվեց հայ-ադրբեջանական սահմանին մարտական գործողությունների քաղաքական նպատակներին ու ապագայում դրանց վերսկսման հավանականությանը:
Քաղաքագետ Բենիամին Պողոսյանի դիտարկմամբ՝ Ադրբեջանը հետապնդում է կարճաժամկետ և երկարաժամկետ նպատակներ:
«Ադրբեջանի կարճաժամկետ նպատակը պայմանագրի ստորագրումն է կամ գոնե բանակցությունները Հայաստան-Ադրբեջան պայմանագրի շուրջ, որը Ադրբեջանը կներկայացնի որպես Հայաստանի կողմից Արցախի ճանաչում՝ որպես Ադրբեջանի մաս՝ դրանով վերջանականապես թաղելով Մինսկի խմբի գործընթացի վերականգնման որևէ տեսական հույս: Եվ երկրորդը՝ հաղորդակցության ուղիների բացումն է. Ադրբեջանը ցանկանում է իր կապը Նախիջևանի հետ և Նախիջևանի միջոցով նաև Թուրքիայի հետ իրականացնել Սյունիքի տարածքով՝ ավտոմոբիլային և երկաթուղային ճանապարհներով: Այդ ճանապարհների բացումը մեծացնելու է Թուրքիայի և Ադրբեջանի ներկայացվածությունը Սյունիքում:
Ադրբեջանն ունի նաև երկարաժամկետ նպատակ. ՀՀ սահմանամերձ տարածքների բնակչության շրջանում տարածել անվստահություն, խուճապ, հասկացնել, որ նրանց ֆիզիկական անվտանգությունն ապահովված չէ, և խթանել արտագաղթը դեպի Երևան կամ Ադրբեջանի համար իդեալական տարբերակը՝ Հայաստանից դուրս»,- նշեց Պողոսյանը:
Մանրամասները՝ տեսանյութում:
