16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Մոսկվայում նախատեսվում են բանակցություններ՝ հայկական և ռուսական կողմերի միջև․ եռակողմ հանդիպում տեղի չի ունենալու
Քաղաքականություն
28.07.2021 | 17:50
Factor.am-ի տեղեկություններով՝ այսօր Հայաստանի, Ռուսաստանի և Ադրբեջանի պաշտպանության նախարարների մասնակցությամբ եռակողմ հանդիպում նախատեսված չէ։
Իսկ երեկ՝ հուլիսի 27-ին, ՀՀ պաշտպանության նախարարի առաջին տեղակալ Արշակ Կարապետյանը հանդիպել է ՌԴ պաշտպանության նախարար Սերգեյ Շոյգուի հետ։ Թե ինչ են քննարկել կողմերը փակ հանդիպման ընթացքում՝ դեռևս հայտնի չէ։ Առաջիկայում ևս Մոսկվայում հայ-ռուսական ձևաչափով բանակցություններ են նախատեսվում։
Նշենք, որ հուլիսի 26-ին էլ Սերգեյ Շոյգուն և Արշակ Կարապետյանը հեռախոսացրույց էին ունեցել։ Կողմերը քննարկել էին Հարավային Կովկասում անվտանգության ապահովմանն առնչվող հարցեր։
Հիշեցնենք՝ հուլիսի 28-ին՝ ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Ըստ պաշտոնական տեղեկատվության՝ հայկական կողմն ունի 3 զոհ և 5 վիրավոր։ Ռուսական կողմի միջնորդությամբ Հայաստանն ու Ադրբեջանը ժամը 10։00-ից դադարեցրել են կրակը։ Այս պահին հայ-ադրբեջանական սահմանին հարաբերական անդորր է։
Արփի Հակոբյան
