26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Իրանում հանցագործների հետ բախման հետևանքով 4 զինվորական է զոհվել
Քաղաքականություն
24.07.2021 | 19:11
Իսլամական հեղափոխության պահապանների կորպուսի չորս ներկայացուցիչներ զոհվել են երկրի հարավ-արևելքում գտնվող Սիստան և Բելուջիստան նահանգում հանցավոր տարրերի հետ զինված բախման հետևանքով: Այս մասին հայտնում է ISNA գործակալությունը՝ վկայակոչելով ԻՀՊԿ մամուլի ծառայությանը։
Այլ մանրամասներ չեն հաղորդվում։
Սիստան և Բելուջիստան նահանգը սահմանակից է Պակիստանին և Աֆղանստանին, և արտասահմանից թմրանյութերի շրջանառության մեծ մասը, ինչպես նաև վառելիքի և այլ ապրանքների մաքսանենգության զգալի մասը բաժին են ընկնում այդ շրջաններին: Բացի այդ, այստեղ գործում են մի շարք անջատողական և իսլամիստական խմբավորումներ։
